Rafet El Roman və Ezo cütlüyündən unudulmaz bir yay axşamı

Nahid Emiloğlunun təşkilatçılığı ilə gözlənilən “Romantik yay axşamı” adlı konserti “Yaşıl teatr”da baş tutub. 

   Nahid Emiloğlunun təşkilatçılığı ilə gözlənilən “Romantik yay axşamı” adlı konserti “Yaşıl teatr”da baş tutub. Sevgi mahnılarının mahir ifaçısı Rafet El Roman aparıcının dəvəti ilə səhnəyə təşrif buyurub. İfaçı  sözün əsl mənasında səhnədə coşqu yaradıb. Dəfələrlə Bakıya gəlməsinə baxmayaraq, müğənninin bu dəfəki konserti də anşlaqla keçib. Sərin havada ulduz səhnədə gah əl-qol açıb oynayıb,  gah da zaldakı tamaşaçılarla birgə mahnı oxuyub.

  Konsertin əsas məqsədi isə azəri qızı Ezo və Türkiyənin məşhur ulduzu Rafet El Romanın dillər əzbəri olan duetini canlı-canlı tamaşaçılara təqdim etmək olub. Və beləliklə türk ulduzunun dəvəti ilə geyimi və gözəlliyi ilə göz qamaşdıran  Ezo səhnəyə gəlib. Rafet bəyin istəyi ilə “Sarı gəlin” mahnısını oxuyan Ezo, daha sonra unudulmaz sənətkar Rəşid Behbudovun repertuarına müraciət edib.

  Yenidən səhnədə yerini alan El Roman ard-arda unudulmaz mahnılarını ifa edərək, sərin havada öz sevgisini küləyin vasitəsi ilə sevənlərinə ötürüb. Konsertdən sonra böyük izdihamla qarşılanan Ezo və Rafet cütlüyü junalistlərə yaxınlaşaraq onların suallarını cavablandırıb.  Daha ətraflı süjetdə.

 

Sevda Məmmədova

Elfaq Lələyev

 

Muz-Tv.az