Şou- biznesdən xəbər var

Populyar ifaçı Natəvan Həbibi sentyabrın əvvəlində son hiti olan “Etiraf”a ekran həyatı verəcək.  

     Populyar ifaçı Natəvan Həbibi sentyabrın əvvəlində son hiti olan “Etiraf”a ekran həyatı verəcək. Klipin ssenarisi artıq tamamlanmaq üzrədir. Fərqli iş ortaya qoyacağını deyən müğənni bütün yaradıcı heyətə özü rəhbərlik edəcəyini bildirib. Rejissorun adı isə hələ ki, gizli saxlanılır.
     Ekstravaqant müğənni Samir Bağırov avqustun 21-də ad gününü keçirməyi planlaşdırsa da, sonradan təxirə salıb. Buna səbəb onun yeni albom üzərində çalışması və mahnılarının birinə çəkdirəcəyi klipin hələ də tamamlanmamasıdır. Ruhdan düşməyən müğənni gec də olsa həm təqdimat mərasimini, həm də doğum gününü keçirəcəyini söyləyib.
     Müğənni Elariz Məmmədoğlu Nabranda ailəsi ilə birgə istirahət edir. Bununla kifayətlənməyən sənətçi bir neçə gündən sonra ailəsini evə gətirəcəyini və istirahətini tək başına Bolqarıstanda davam etdirəcəyini söyləyib.
     Tanınmış meyxanaçı Vüqar Abdulov "Ti kto takoy, Davay do svidaniya!” qafiyəsinin müəllifləri İntiqam və Ehtiram Rüstəmov qardaşlarını tənqid edib. O, açıqlamasında: “Əlbəttə, qardaşlar sayəsində rusların meyxanadan xəbərdar olması məni sevindirir. Amma təəəsüüflü haldır ki, onların məhsulları keyfiyyətsizdir” - deyə vurğulayıb. Məsələyə İntiqam və Ehtiram Rüstəmov qardaşları da münasibət bildirib: “ Biz sadəcə meyxana janrını tanıtmaq istəyirik. Arzumuz odur ki, hər kəs meyxanann bizim xalqa məxsus olduğunu dərk etsin”.
     Həmkarlarından fərqli olaraq istirahət etməyən müğənni Arzu Rzayev, yaradıcılıq işlərinə də vaxt ayırmır. O, vaxtını həm əntiq avtomobillərin bərpasına, həm də evinin təmirinə sərf edir. Müğənni onu da qeyd edib ki, sentyabrdan etibarən yaradıcılıq işlərinə başlayacaq və yeni bəstələdiyi mahnıları ifa edəcək.

Xəyalə Əzizova

Muz-Tv.az