Əməkdar artist Tünzalə Ağayevadan yeni layihə

Yay fəsli olmasına baxmayaraq, müğənni və bəstəkar Tünzalə Ağayeva aktiv iş rejimindədir. Yaxın zamanlarda sənətçinin yaradıcılıq fəaliyyətində dəyişikliklər gözlənilir. 

   Yay fəsli olmasına baxmayaraq, müğənni və bəstəkar Tünzalə Ağayeva aktiv iş rejimindədir. Yaxın zamanlarda sənətçinin yaradıcılıq fəaliyyətində dəyişikliklər gözlənilir. Buna səbəb isə Türkiyənin məşhur musiqi kanalı "TRT Müzik"in ona təklif etdiyi böyük layihədir. Məsələylə bağlı müğənni və prodüseri Yalçın Cabbarov artıq bir neçə gündür ki, İstanbulda kanal rəhbərliyi ilə danışıqlar aparır. Sənətçi layihə haqqında geniş məlumatı yaxın günlərdə Bakıya döndükdən sonra verəcək.

   Əməkdar artist Abbas Bağırov döymə etdirib. Müğənni sağ qoluna Çin hərfləri yazdırıb. Sənətçi sosial şəbəkədə paylaşdığı fotosunun altından qolundakı yazının “ancaq sən” mənasını verdiyini qeyd edib. 

   Xalq artisti, məşhur muğam ustası Alim Qasımov konsert proqramı ilə çıxış etmək fikrindədir. Dahi ustad bu layihəsini sentyabrda gerçəkləşdirməyi planlaşdırır. O, bu barədə yaxın vaxtlarda ətraflı açıqlama verəcək.

   Kanadalı müğənni Mia Martina Bakıya gələcək. O, iyulun 27-də dənizkənarı restoranların birində konsert verməyi planlaşdırır. Cazibədar görünüşü ilə hər zaman diqqət çəkən Mia bu dəfə Bakı tamaşaçıları üçün şou göstərəcək.

 

Səma Ələsgərova

 

Muz-Tv.az