Türkiyənin məşhur müğənnisi Sıla Bakıya gəlir

Türkiyəli müğənni Sıla Bakıda konsert verəcək. Bu barədə təşkilatçı Cavid Rəbbani məlumat verib.

    Türkiyəli müğənni Sıla Bakıda konsert verəcək. Bu barədə təşkilatçı Cavid Rəbbani məlumat verib.Onun sözlərinə görə, Sılanın konserti sentyabrın sonu, oktyabrın əvvəllərində baş tutacaq. Təşkilatçı bildirib ki, tədbirin keçiriləcəyi məkan hələ ki, tam müəyyənləşməyib.

   Türkiyənin məşhur müğənnisi Mahsun Kırmızıgül Azərbaycana gəlib. O, bu gün keçiriləcək \"Xəzər Lənkəran\" - \"Fənərbaxça\" yoldaşlıq oyununu stadiondan izləyəcək. Matç saat 21:00-da Lənkəran şəhər stadionunda keçiriləcək. Qeyd edək ki, M.Kırmızıgül \"Fənərbaxça\"nın əzəli rəqibi olan \"Qalatasaray\"ın azarkeşidir.

   İyulun 5-də ailə həyatı quran Safura Əliyeva səhnə ilə vidalaşıb. Müğənni bu haqda Facebook sosial şəbəkəsindəki səhifəsində məlumat yayıb: “Mənim əziz fanatlarım, dostlarım. Sizin hamınız üçün çox darıxmışam. Mən artıq işlərimə son qoydum. Lakin  həmişə sizinlə olacam. Hamınızı sevirəm”-deyə əlavə edib. 

   Tanınmış müğənni Vasif Məhərrəmli ikinci dəfə ailə qurduqdan sonra yaradıcılığına fasilə vermək qərarına gəlib. Buna səbəb isə şəxsi problemləridir.İfaçı:\"Mən qəsdən toyumu rayonda keçirtdim ki, heç bir KİV nümayəndəsi onu işıqlandıra bilməsin. 22 yaşım yoxdur ki, dostlarımı ətrafıma yığıb təntənəli toy edim. Amma bütün cəhdlərimə baxmayaraq, toyumdan bəzi kadrlar jurnalistlərin əlinə keçib” - deyə əlavə edib. 

 

Səma Ələsgərova

 

Muz-Tv.az