Elçin Cəfərov özünü Riki Martinə bənzətdi

Bəstəkar-ifaçı  Emin Ağalarov Yurmalada gənc ifaçılar arasında keçirilən “Yeni dalğa” müsabiqəsinin finalına qonaq qismində qatılacaq. Yarışmada Azərbaycanı müğənni Çingiz...

    Bəstəkar-ifaçı  Emin Ağalarov Yurmalada gənc ifaçılar arasında keçirilən “Yeni dalğa” müsabiqəsinin finalına qonaq qismində qatılacaq. Yarışmada Azərbaycanı müğənni Çingiz Mustafayev təmsil edir. Emin Çingizə uğurlar arzulayıb və onun bacarığına güvəndiyini, qalib olacağına inandığını deyib.Qeyd edək ki, müsabiqənin qala gecəsi iyulun 28-də baş tutacaq.

     Xalq artisti Nazpəri Dostəliyeva səfərə hazırlaşır. Müğənni bildirib ki, Almaniyaya gedəcək: “Almaniyaya yola düşməyə hazırlaşıram. Səfərim yaradıcılığımla bağlı olsa da, orada işlərimi yekunlaşdırandan sonra istirahət etməyi düşünürəm. Əvvəl Almaniyada, övladlarım  yanıma gələndən sonra başqa bir ölkədə istirahət etməyi nəzərdə tutmuşam. Yaradıcılığımda yeniliklər olacaq, qayıdan kimi xəbər edəcəyəm”.

    Müğənni Elçin Cəfərov “Sev kəlməsi” adlı mahnısına çəkdirdiyi klipini təqdim edib. Sözləri Elməddin Həmidova, musiqisi Elçin Cəfərov və Tərlan Məmmədhüseynova aid olan bəstəni rejissor Rza Əsgərov ekranlaşdırıb. Klip üçün fərqli obraza girən müğənni saçlarının bir hissəsini boyayaraq dünya ulduzu Riki Martinə bənzəyib. Elçinin yeni klipini təqdim edirik.

    Xəbər verdiyimiz kimi, iyulun 26-da xalq artisti Aygün Kazımova dənizkənarı istirahət mərkəzlərinin birində solo konsert proqramı ilə çıxış edəcək. Gecədə səslənəcək mahnılar canlı ifa ediləcəyindən müğənni Türkiyədə Murat Yetərin rəhbərlik etdiyi ansambl ilə məşq edir. 

 

Səma Ələsgərova

 

Muz-Tv.az