Rəşad İlyasov 43 yaşında - foto 

Müğənni Rəşad İlyasovun doğum günüdür.

Muztv.az xəbər verir ki, sənətçi 43 yaşını qeyd edir.

Rəşad İlyasov 1974-cü il noyabrın 1-də Bakı şəhərində ziyalı ailəsində anadan olub. 1981-ci ildən 20 nömrəli orta məktəbdə təhsil almağa başlayıb. Valideyinləri musiqiçi olmasa da (atası İlyasov Mirzə Rüstəm oğlu - mühəndis, anası Eyvazova Zərifə Alxas qızı Azərbaycan Dövlət Teleradio şirkətində jurnalist kimi çalışıblar), Artıq 90-cı illərdən Rəşad Zeynəb Xanlarova, Nisə Qasımova kimi sənətçilərlə çalışmaşa başlayır. O, "Ümid" ansamblının üzvü olur. 1994-cü ildə "Çardaş" əsərini (Monti) kanonda ifa edib buna klip də çəkdirir. 1997-ci ildə "Bakı-Raks" Birgə Müəssisəsi ilə "Anaram səni" albomunu hazırlayıb ərsəyə gətirir. Bu albomda o, nostalji mahnıları ifa edir. Azərbaycan Dövlət İncəsənət və Mədəniyyət Universitetinin Rejissorluq fakültəsini bitirən musiqiçi Azərbaycan Dövlət Teleradio Verilişləri Şirkətində rejissor kimi də fəaliyyət göstərir. 2012-ci ildə "Mənə əllərini ver" adlı klip çəkdirmiş və onun təqdimat mərasiminin keçirmişdir. 2013-cü ildə Misirə qastrol səfərinə yollanmışdır. Qastrol zamanı "Nil" televiziyasında verilişlərin birində iştirak etmişdir.

Xatırladaq ki, Rəşad İlyasov 2002-ci ildə Gülnarə adlı xanımla ailə həyatı qurub. Cütlüyün Mirzə və Leyla adlı övladları var.