İnna Bakıda konsert verəcək

Rumıniyalı məşhur müğənni İnna Bakıya gələcək. İfaçı avqustun 10-da şəhərimizdə konsert verəcək. 

     Rumıniyalı məşhur müğənni İnna Bakıya gələcək. İfaçı avqustun 10-da şəhərimizdə konsert verəcək. “KKM Production”ın təşkilatçılığı ilə baş tutacaq gecə klublarından birində reallaşacaq.

    Müğənni Eldar Qasımov “Angel” (Mələk) adlı yeni mahnısını təqdim edib. Sözləri İqor Şavrova, musiqisi İqor Şavrov, İqor Burenko və Orxan Bağırova aid olan bəstəni sənətçi rus dilində ifa edib. Eldarın yeni mahnısını təqdim edirik.

   “The First 2013” mükafatlandırma mərasimi ilə bağlı mətbuata açıqlama verilib. Bu barədə “Xeyal production”nın rəhbəri Xəyal Rza  danışaraq tədbirə Türkiyənin tanınmış simalarının qatılacağını deyib. Məşhur “Kaybolan yıllar” serialının baş rolunun ifaçısı Saruhan Hunel və bacısı - tanınmış müğənni Aslı Hunelin tədbirdə iştirak edəcəyi bildirilib. Mükafatlandırmanın sürpriz qonaqları sırasında "O Səs Türkiyə"nin qaliblərindən olan Ayda Mooşarrafın da olacağı gözlənilir. Qeyd edək ki, ötən illərdə keçirilən “The first” mükafatının təqdimetmə mərasiminə Türkiyədən şoumen Bəyaz , aktyor Erkan Petekkaya, müğənni Serenay Sarıkaya, Soner Sarıkabadayı, Selami Şahin kimi populyar simalar qatılıb.

    Xalq artisti Brilliant Dadaşova müqəddəs Ramazan ayı münasibəti ilə iyulun 28-də iftar süfrəsi açacaq. Məlumata görə “Təzə Pir” məscidində baş tutacaq iftar süfrəsində müğənni, əsasən, Facebook sosial şəbəkəsində aktiv olan dostları bir araya yığacaq. Qeyd edək ki, müğənninin iftar süfrəsi açması artıq ənənəyə çevrilib.

 

Sevda Məmmədova

 

Muz-Tv.az