Xalq artisti Şəfiqə Axundova vəfat etdi

Şərqin ilk opera yazan bəstəkar qadını xalq artisti Şəfiqə Axundova  dünyasını dəyişib. Məlumata görə, 89 yaşlı sənətkarın səhhəti bir neçə gün əvvəl sabitləşsə də...

    Şərqin ilk opera yazan bəstəkar qadını xalq artisti Şəfiqə Axundova  dünyasını dəyişib. Məlumata görə, 89 yaşlı sənətkarın səhhəti bir neçə gün əvvəl sabitləşsə də, bu gün müalicə aldığı xəstəxanada saat 12.30 radələrində vəfat edib.

   Qeyd edək ki, Şəfiqə Axundova iyulun 11-də Şəkidə olarkən qəflətən halı pisləşib. Xroniki qan dövranı çatışmazlığı, hipertoniya xəstəliyi, şəkərli diabet diaqnozu ilə Şəki Mərkəzi rayon Xəstəxanasının xəstəxanasının reanimasiya şöbəsinə yerləşdirillən xalq artisti daha sonra Bakıya 1 saylı Şəhər Klinik Xəstəxanasına gətirilib.

    Xatırladaq ki,Bəstəkar Şəfiqə Axundova 1924-cü ildə Şəki şəhərində anadan olub.  O, Asəf Zeynallı adına Bakı Musiqi Məktəbində oxuyarkən Üzeyir Hacıbəyovdan dərs alıb. 1998-ci ildə Azərbaycan Respublikasının xalq artisti adına layiq görülüb, daha sonra "Şöhrət" ordeni ilə təltif edilib..
    Bəstəkar 1972-ci ildə "Gəlin qayası" operasını yazmaqla Şərqin ilk opera yazan qadın bəstəkarı olub. Ş. Axundova "Ev bizim, sirr bizim" operettasının simli kvartet üçün pyeslərin, dramatik teatr üçün "Aydın", "Əlvida Hindistan!", "Nə üçün yaşayırsan?" və s. tamaşaların, "Təlxəyin nağılı", "Dovşanın ad günü" və s. kimi uşaq tamaşalarının musiqisinin müəllifidir.

Allah rəhmət etsin!

 

Fuad Məmmədov

 

Muz-Tv.az