O, böyük dövr üçün epoxa demək idi - Rafiq Hüseynov ilə vida mərasimi – foto
Bu gün mərhum diktor, Xalq Artisti Rafiq Hüseynov ilə Rəşid Behbudov adına Mahnı Teatrında vida mərasimi keçirilib.
Muztv.az xəbər verir ki, mərasimə qatılanlar arasında Xalq Artistləri Şərqiyyə Hüseynova, Ofelya Sənani və Əməkdar artistlər Nərgiz Cəlilova, Rafiq Həşimov və başqa simalar yer alıb.
Bundan əlavə, göz yaşı ilə keçən vida mərasimində Rafiq Hüseynovun ailə üzvləri, sənət dostları və yaxınları iştirak ediblər.
Muztv.az-a danışan Xalq Artisti, diktor Şərqiyyə Hüseynova mərhum Rafiq Hüseynovun ölümünə inana bilmədiyini deyib:
“Mənə elə gəlir ki, ömrümün axırına qədər bu sözləri deməkdən yorulmayacam ki, bu bizim üçün çox ağır bir itki oldu. Təbii ki, hər bir insanın ömrü nə vaxtsa itir, amma mən Rafiqin həyatdan getməyinə heç cür inana bilmirəm. Rafiq doğrudan da bizim başımızın tacı idi. O, bizim diktor kollektiktivinin başının tacı idi. O, televiziyanın bugününə çox inanırdı. Təsəvvür edirsiz hətta illər öncə də deyirdi ki, vaxt olacaq xəbərlərin arasında reklam gedəcək, musiqili bir reklam da olacaq. Rafiq müəllim nikbin bir insan idi, cavanlara da çox inanırdı. Mən indi çalışıram onun yolu ilə gedim, cavanlara dərs verim. Elə edim ki, Rafiqin ruhunu, sözlərini yaşadım. Rafiqi tanımaq lazım idi ki, onun o nikbinliyi barədə də danışasan. Allah rəhmət eləsin”.
Əməkdar artist, diktor Rafiq Həşimov Rafiq Hüseynov peşəkarlığını böyük bir dövr üçün epoxa adlandırıb:
“Rafiq Hüseynlinin itkisi Azərbaycan televiziyası, Azərbaycan mədəniyyəti üçün, xalqımız, tamaşaçılarımız üçün çox ağır, əvəzolunmaz bir itkidir. Rafiq Hüseynli böyük bir dövr üçün epoxa deməkdir. Bəzən deyirlər ki, əvəzolunmaz adamlar yoxdur. Mən qəti əminliklə deyirəm ki, Rafiq Hüseynlinin həyatı, varlığı, onun peşəsinə, həyatına münasibəti göstərdi ki, o, əvəzolunmaz insanlardan biridir. Allah rəhmət eləsin”.
Mərhum Xalq Artisti ilə yaxın dostluq münsibətləri olan Xalq Artisti Ofeliya Sənani də kədərini bizimlə bölüşüb:
“Mən ona Allah rəhmət eləsin deyəndə diksinirəm. Allah günahımdan keçsin, mən o sözü ona yaraşdıra bilmirəm. Rafiq bizim üçün hər şey idi. Yaxın dost, mehriban insan. Uzun illər, o baş diktor vəzifəsində çalışıb. Biz onun heç vaxt ucadan səsini eşitməmişdik. Həmişə ən gözəl məsləhətlərini eşitmişik. Bizi hər zaman bağrına basıb. Böyük verilişlər aparanda təsəlli verici sözlər deyirdi. Deyirdi, mikrafona xoş əhvalla danışaq, insanlara əhval-ruhiyə verək. Onun səsində elə mehribanlıq var idi ki, ona artıq bəzək vermək lazım deyildi. Rafiq ağzını açdısa, o mehriban səs ürəklərə yağ kimi yayılırdı. Biz onunla ailəvi dost idik. Bizə tez-tez gəlirdi. Yoldaşım Valid deyirdi ki, ay Rafiq elə gəl bizdə qal. Valid xəstə olanda müsahibə vermişdi ki, ömrümüzün axırına kimi dostluq edək, amma o sözlərdən sonra cəmi 5 il yarım yaşadı. Ona ölüm heç yaraşmadı. Ona Allah tərəfindən verilən ən böyük xoşbəxtlik o idi ki, o, radio və televiziyanın bayramı ərəfəsində dünyasını dəyişib ömürlük evinə getdi. Onun üçün çox darıxacayıq. Hər bayramda, əziz günlərdə biz onu gedib axtaracayıq. Salam verib, onun bayramını təbrik edəcəyik. Allah rəhmət eləsin” .
Mərasimdə iştirak edən millət vəkili Qənirə Paşayeva da kədərini bölüşərək, Rafiq Hüseynovu ağır günlərində tək buraxmadığını qeyd edib:
“Yaşamaq üçün mübarizə aparırdı. Xəstəliyinə sinə gəlmək istəyirdi. Çünki arzuları, planları var idi. Onunla söhbət edəndə də əzmini görürdük. Rafiq müəllim insanlar tərəfindən nə qədər sevildiyini bilirdi. Bilirdi ki, hər kəsin onun peşəkarlığına, məsləhətlərinə ehtiyacı var. Gənclər onun tövsiyələrindən yararlana bilərdi. Rafiq Hüseynli də bunu çox gözəl bilirdi. Mən onunla görüşəndə də dedim ki, gənclərin sizdən öyrənməli çox şeyi var. Mübarizə aparın. Ölkənin birinci xanımı Mehriban xanıma təşəkkür edirəm ki, onun bütün xərclərini üzərinə götürdü. Dəstək oldu. Ailəsi də onun yaşaması üçün onunla bərabər mübarizə apardı. Biz dostları da onu tək buraxmadıq. Rafiq müəllim kimi peşəkarlar cəmiyyətimizə çox lazımdır. Amma təəssüf ki, xəstəlik elə şiddətləndi ki, onu xilas edə bilmədik. Nur içində yatsın. Hər zaman yeri görünəcək şəxsiyyət idi. İllər keçsə də, onu hər kəs sevgi ilə xatırlayacaq. Allah rəhmət eləsin”.
Xatırladaq ki, Xalq Artisti Yasamal qəbiristanlığında dəfn olunacaq.
R.Hüseynov Almaniyanın Düsseldorf şəhərindəki klinikalardan birində oktyabrın 26-da dünyasını dəyişib. O, xərçəng xəstəliyindən əziyyət çəkirdi.
Vida mərasimi ilə bağlı süjet noyabrın 3-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva
Muztv.az xəbər verir ki, mərasimə qatılanlar arasında Xalq Artistləri Şərqiyyə Hüseynova, Ofelya Sənani və Əməkdar artistlər Nərgiz Cəlilova, Rafiq Həşimov və başqa simalar yer alıb.
Bundan əlavə, göz yaşı ilə keçən vida mərasimində Rafiq Hüseynovun ailə üzvləri, sənət dostları və yaxınları iştirak ediblər.
Muztv.az-a danışan Xalq Artisti, diktor Şərqiyyə Hüseynova mərhum Rafiq Hüseynovun ölümünə inana bilmədiyini deyib:
“Mənə elə gəlir ki, ömrümün axırına qədər bu sözləri deməkdən yorulmayacam ki, bu bizim üçün çox ağır bir itki oldu. Təbii ki, hər bir insanın ömrü nə vaxtsa itir, amma mən Rafiqin həyatdan getməyinə heç cür inana bilmirəm. Rafiq doğrudan da bizim başımızın tacı idi. O, bizim diktor kollektiktivinin başının tacı idi. O, televiziyanın bugününə çox inanırdı. Təsəvvür edirsiz hətta illər öncə də deyirdi ki, vaxt olacaq xəbərlərin arasında reklam gedəcək, musiqili bir reklam da olacaq. Rafiq müəllim nikbin bir insan idi, cavanlara da çox inanırdı. Mən indi çalışıram onun yolu ilə gedim, cavanlara dərs verim. Elə edim ki, Rafiqin ruhunu, sözlərini yaşadım. Rafiqi tanımaq lazım idi ki, onun o nikbinliyi barədə də danışasan. Allah rəhmət eləsin”.
Əməkdar artist, diktor Rafiq Həşimov Rafiq Hüseynov peşəkarlığını böyük bir dövr üçün epoxa adlandırıb:
“Rafiq Hüseynlinin itkisi Azərbaycan televiziyası, Azərbaycan mədəniyyəti üçün, xalqımız, tamaşaçılarımız üçün çox ağır, əvəzolunmaz bir itkidir. Rafiq Hüseynli böyük bir dövr üçün epoxa deməkdir. Bəzən deyirlər ki, əvəzolunmaz adamlar yoxdur. Mən qəti əminliklə deyirəm ki, Rafiq Hüseynlinin həyatı, varlığı, onun peşəsinə, həyatına münasibəti göstərdi ki, o, əvəzolunmaz insanlardan biridir. Allah rəhmət eləsin”.
Mərhum Xalq Artisti ilə yaxın dostluq münsibətləri olan Xalq Artisti Ofeliya Sənani də kədərini bizimlə bölüşüb:
“Mən ona Allah rəhmət eləsin deyəndə diksinirəm. Allah günahımdan keçsin, mən o sözü ona yaraşdıra bilmirəm. Rafiq bizim üçün hər şey idi. Yaxın dost, mehriban insan. Uzun illər, o baş diktor vəzifəsində çalışıb. Biz onun heç vaxt ucadan səsini eşitməmişdik. Həmişə ən gözəl məsləhətlərini eşitmişik. Bizi hər zaman bağrına basıb. Böyük verilişlər aparanda təsəlli verici sözlər deyirdi. Deyirdi, mikrafona xoş əhvalla danışaq, insanlara əhval-ruhiyə verək. Onun səsində elə mehribanlıq var idi ki, ona artıq bəzək vermək lazım deyildi. Rafiq ağzını açdısa, o mehriban səs ürəklərə yağ kimi yayılırdı. Biz onunla ailəvi dost idik. Bizə tez-tez gəlirdi. Yoldaşım Valid deyirdi ki, ay Rafiq elə gəl bizdə qal. Valid xəstə olanda müsahibə vermişdi ki, ömrümüzün axırına kimi dostluq edək, amma o sözlərdən sonra cəmi 5 il yarım yaşadı. Ona ölüm heç yaraşmadı. Ona Allah tərəfindən verilən ən böyük xoşbəxtlik o idi ki, o, radio və televiziyanın bayramı ərəfəsində dünyasını dəyişib ömürlük evinə getdi. Onun üçün çox darıxacayıq. Hər bayramda, əziz günlərdə biz onu gedib axtaracayıq. Salam verib, onun bayramını təbrik edəcəyik. Allah rəhmət eləsin” .
Mərasimdə iştirak edən millət vəkili Qənirə Paşayeva da kədərini bölüşərək, Rafiq Hüseynovu ağır günlərində tək buraxmadığını qeyd edib:
“Yaşamaq üçün mübarizə aparırdı. Xəstəliyinə sinə gəlmək istəyirdi. Çünki arzuları, planları var idi. Onunla söhbət edəndə də əzmini görürdük. Rafiq müəllim insanlar tərəfindən nə qədər sevildiyini bilirdi. Bilirdi ki, hər kəsin onun peşəkarlığına, məsləhətlərinə ehtiyacı var. Gənclər onun tövsiyələrindən yararlana bilərdi. Rafiq Hüseynli də bunu çox gözəl bilirdi. Mən onunla görüşəndə də dedim ki, gənclərin sizdən öyrənməli çox şeyi var. Mübarizə aparın. Ölkənin birinci xanımı Mehriban xanıma təşəkkür edirəm ki, onun bütün xərclərini üzərinə götürdü. Dəstək oldu. Ailəsi də onun yaşaması üçün onunla bərabər mübarizə apardı. Biz dostları da onu tək buraxmadıq. Rafiq müəllim kimi peşəkarlar cəmiyyətimizə çox lazımdır. Amma təəssüf ki, xəstəlik elə şiddətləndi ki, onu xilas edə bilmədik. Nur içində yatsın. Hər zaman yeri görünəcək şəxsiyyət idi. İllər keçsə də, onu hər kəs sevgi ilə xatırlayacaq. Allah rəhmət eləsin”.
Xatırladaq ki, Xalq Artisti Yasamal qəbiristanlığında dəfn olunacaq.
R.Hüseynov Almaniyanın Düsseldorf şəhərindəki klinikalardan birində oktyabrın 26-da dünyasını dəyişib. O, xərçəng xəstəliyindən əziyyət çəkirdi.
Vida mərasimi ilə bağlı süjet noyabrın 3-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva