Elariz: “Mən heç vaxt manikür-pedikür etdirmərəm”

Əməkdar artist Abbas Bağırov “Oyan” adlı yeni mahnı hazırlayıb. Bəstənin sözləri Altaya, musiqisi isə Abbas Bağırovun özünə aiddir. 

   Əməkdar artist Abbas Bağırov “Oyan” adlı yeni mahnı hazırlayıb. Bəstənin sözləri Altaya, musiqisi isə Abbas Bağırovun özünə aiddir. Hazırda yeni albom və konsert hazırlıqlarına başı qarışan müğənni yaxın günlərdə klip çəkilişlərinə başlayacaq. O, ekran həyatı veriləcək mahnını pərəstişkarlarının istəyi ilə seçim etdiyini deyib. Sənətçinin bu klipi də Türkiyə telekanallarında nümayiş olunacaq.

   Müğənni Elariz Məmmədoğlu kişilərin baxımlı olmağından danışıb. Sənətçi səliqəli geyinməyi sevsə də, manikür-pedikürü özünə yaraşdırmadığını deyib: “Səhnə adamı baxımlı olmalıdır. Amma bu, o demək deyil ki, hər şeyi həddindən artıq edəsən. Məsələn, heç vaxt manikür-pedikür etdirmərəm. Bu, məndən uzaqdır. Mən kişinin bunu etməsini qəbul edə bilmirəm. Şou-biznesdə olsam da, digərləri kimi deyiləm. Mənim hamıdan fərqli, öz dünyam var”.

   Xalq artisti Zülfiyyə Xanbabayeva və ifaçı Miri Yusif yeni duetlərini təqdim edib. Sözləri və musiqisi MC Murada aid olan mahnı “İki doğma insan” adlanır. Müğənni Nadir Qafarzadə toy qiymətini qaldırıb. Sənətçi bunu “Maral” mahnısı məşhurlaşdıqdan sonra etdiyini deyib. O, özünü ən çox tələb olunan müğənni adlandırıb: “Etiraf edim ki, ayın hər günü toya getmirəm. Otuz gün ucuz toyda olmaqdansa, ayda səkkiz bahalı məclisə dəvət almağı üstün tuturam. Bəzi müğənniləri heç yerə çağırmırlar. Deyirlər ki, bəsdir də Nadir, hər yerdə sən görünürsən. O, heç kimə lazım olmadığını başa düşmür. Hamı Nadiri dəvət edir. Çünki bir çox müğənnilər nə mahnı yazır, nə klip çəkir, nə də konsert verir. Bu cür sənətçi heç kimə maraqlı olmur”.

 

Sərvər Mehdiyev

 

Muz-Tv.az