Aygün Kazımova konsertində sürprizlə qarşılaşdı

Xalq artisti Aygün Kazımovanın istirahət mərkəzlərinin birində gözlənilən konserti baş tutub.

   Xalq artisti Aygün Kazımovanın istirahət mərkəzlərinin birində gözlənilən konserti baş tutub.“Aygünlü gecə”-də ilk olaraq divamızın Hollivud layihəsinin bir parçası olan, məşhur reper Snup Doqla duet oxuduğu “Coffee from Columbia” mahnısına çəkilmiş klipi böyük ekranda nümayiş olunub.Dəvət olunan qonaqlar arasında Aygün xanımın qızı İlqarə və müğənni Ayan Babakişiyeva da olub.

   Türkiyənin tanınmış musiqiçisi Murat Yeterin rəhbəri olduğu orkestrlə unudulmaz gün yaşanıb. Görünüşü ilə hər kəsə meydan oxuyan diva, ilk olaraq “Şou nömrə 1” mahnısı ilə tamaşaçılarının qarşısına çıxıb. Möhtəşəm şouda maraqlı bir an da olub. Aygün xanım “Məhəbbətə hə, xəyanətə yox” mahnısını ifa edərkən Canan Sirel mahnıya anidən ingilis dilində rep qoşub. Divanın marağına səbəb olan ifanı Canan türk dilinə də tərcümə edərək yenidən səsləndirib.

   Xalq artisti Faiq Ağayev və müğənni Niyam Salami gecəyə gəlməsələr də, gül çələngi göndərib öz sevinclərini belə nümayiş etdiriblər. Salaminin üzərində saat olan qızılgüllərlə bəzədilmiş Ay və Gün çələngi daha böyük marağa səbəb olub.

   Gecəyarısına qədər davam edən konsertdə xalq artistinin müqavilə əsasında çalışdığı Türkiyənin nüfuzlu “Dokuz-Sekiz” musiqi şirkətinin prodüseri Ahmet Çeleng və xanımı da iştirak edib.

 

Sevda Məmmədova

Bəxtiyar Nəsirov

Vüsal Həşimov

 

Muz-Tv.az