Sevgiyə görə indiyədək kimsə həbs olunmayıb - Ədalət Şükürov

Əməkdar Artist, müğənni Ədalət Şükürov Muztv Azərbaycan-a açıqlamasında həbs olunan həmkarı Fədayə Laçına dəstək olduğunu deyib.

Muztv.az xəbər verir ki, Ə.Şükürov həmkarlarının 90 faizinin bu məsələdə həssas olduğunu dilə gətirib: “Hər birimiz dəstək oluruq. Çox istəyərdik ki, Fədaya xanım orada olmasın. Orada olmaq ona ziyandan başqa heçnə gətirməyəcək. Bir çox müğənnilərimiz Birinci-vitse prezident Mehriban Əliyevaya müraciət edib. Buna baxmayaraq, qanun qanundur. Araşdırma gedir, amma biz hamımız dəstək olmalıyıq. Hələ indiyədək eşitməmişəm ki, sevgiyə görə kimisə həbs ediblər. Başqa məslələr isə istintaqdan sonra bilinəcək”.

Xatırladaq ki, Məmmədova Fədayə Baris qızı (Fədayə Laçın) oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilir. F.Laçın həmin iş üzrə təqsirləndirilərək barəsində Nəsimi rayon Məhkəməsinin qərarı ilə həbs qətimkan tədbiri seçilib. F.Laçının qaçan məhbuslardan biri "Qoca” ləqəbli Etibar Məmmədov olub. E.Məmmədov atışmada yaralanıb və ölüb.

Bununla bağlı süjetə noyabrın 4-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.