Xalq artisti Tələt Qasımov vəfat etdi

Bir Həftə ərzində Azərbaycan mədəniyyətində iki ağır itki. Şəfiqə Axundovanın aramızdan ayrılmasını qəbul etməmiş daha bir sənərkar xalq artisti Tələt Qasımov  dünyasını dəyişib.

 

   Bir Həftə ərzində Azərbaycan mədəniyyətində iki ağır itki. Şəfiqə Axundovanın aramızdan ayrılmasını qəbul etməmiş daha bir sənərkar xalq artisti Tələt Qasımov  dünyasını dəyişib. O, 1933-cü il iyunun 21-də Bakı şəhərində anadan olub.  Daha əvvəl dini musiqiyə meyl edən sənətçi  sonradan xanəndəlik sənətinə gəlib.O, Zülfi Adıgözəlov, Hacıbaba Hüseynov kimi ustad sənətkarlardan muğamın sirlərini dərindən mənimsəyərək, onların ənənələrini davam etdirib. İllər keçdikcə, xanəndə kimi sənətini təkmilləşdirən Tələt Qasımov öz dəst-xətti ilə tanınıb. Zəngin repertuara sahib olan Tələt bəy bir çox muğamları və təsnifləri məharətlə və xüsusi şövqlə ifa edib. O, Azərbaycan Dövlət Filarmoniyasının solisti olub. «Rast», «Zabul segah», «Şur», «Hümayun» muğamlarını, habelə Azərbaycan xalq mahnılarını özünəməxsus tərzdə ifa edən sənətkar musiqisevərlərin məhəbbətini qazanıb. O, uzun illər «Azərkonsert» Birliyinin solisti olub, musiqi mədəniyyətimizi dünyanın müxtəlif ölkələrində — Türkiyədə, İranda, Almaniyada, Rusiyada, Misirdə, Əlcəzairdə, Tunisdə, Mərakeşdə ləyaqətlə təmsil edib.Ustad sənətkarın ifa etdiyi muğamlar musiqi mədəniyyəti salnaməsinə və qızıl fonda daxil olub.

    Müğənni Röya avqustun 10-da  Qəbələdə solo konsert verəcək. Nahid Emiloğlunun təşkilatçılığı ilə gerçəkləşəcək gecədə Röya səhnəyə tək çıxmayacaq. 
Belə ki, meyxanaçı Vüqar və DJ Çina da tədbirin qonaqları olacaq. Sənətçi hər zamankı kimi yenə də pərəstişkarlarına əyləncəli gecə vəd edir. 

    Əməkdar artist Teymur Əmrah estrada janrında düzgün oxuya bilən iki xanım sənətçinin adını çəkib.Teymurun sözlərinə görə : “Bu gün Azərbaycan estradasının ana xətti itib. Biri türk, o biri iransayağı oxuyur. Ancaq Günay İbrahimli və Natavan Həbibi müasir estrada janrında ifa edə bilən sənətçilərdəndilər. Bu iki ifaçıya peşəkarlığı və tarixdə qalmalarını arzu edirəm. Ən əsası isə gələcək nəsil onların repertuarlarına müraciət edə bilsinlər”. 

    Xalq artisti İlhamə Quliyeva doğum gününə və səhnə fəaliyyətinin 50 illik yubileyinə hazırlaşır. Bu barədə Lent.az-a xalq artistinin mətbuat katibi Faiq Ələkbərli məlumat verib. Təmtəraqlı yubiley avqustun 25-də qeyd ediləcək. Həmin gün yubileyə İ.Quliyevanın sayıb, seçdiyi yaradıcı sənət adamları, ziyalılar və Azərbaycanın bir çox tanınmış simaları qatılacaq. Bu gecənin təşkilatçılıq işlərini isə prodüser Tolik (Tarix Əliyev) öz üzərinə götürüb.

    Faiq.Ələkbərli daha sonra onu da əlavə edib ki, xalq artistinin yubiley gününü avqustun 25-nə təyin etməsi əbəs yerə deyil: “İlhamə xanım bir neçə il bundan öncə avqustun 25-ində ürəyindən uğurlu əməliyyat keçirmişdi. Məhz buna görə də hər il avqustun 25-ni ikinci doğum günü kimi qeyd edirik”.
  

 

Fuad Məmmədov

 

Muz-Tv.az