Yerli ulduzların ən son yenilikləri

Məşhur azərbaycanlı caz ifaçısı Ülviyyə Rəhimova ana olub. Bu barədə məlumatı müğənninin həyat yoldaşı Ceyk Cons sosial şəbəkədə yayıb.

    Məşhur azərbaycanlı caz ifaçısı Ülviyyə Rəhimova ana olub. Bu barədə məlumatı müğənninin həyat yoldaşı Ceyk Cons sosial şəbəkədə yayıb. Ceyk yeni doğulmuş oğlunun şəklini paylaşaraq hisslərini bölüşüb. Körpənin çəkisi 3 kq 250 qramdır. Məlumatda ana və körpənin sağlam olduğu bildirilir.

    Müğənni Elnarə özünə yeni avtomobil alıb. İfaçı yeni maşınının şəklini sosial şəbəkədə paylaşıb. Qeyd edək ki, 2013-cü ilin modeli olan bu avtomobilin 55 000 AZN qiyməti var.  Müğənni Günel Məhərrəmova yeni mahnı yazıb. Bu haqda  sənətçinin meneceri Məmməd Məhərrəmov məlumat verib: “Günel yeni mahnısını oğlu Əliyə həsr edib. Sözləri və musiqisi müğənninin özünə məxsusdur. Mahnı “Əli balam” adlanır. İfaçı sözügedən bəstəni tezliklə tamaşaçıların ixtiyarına buraxacaq”.Qeyd edək ki, mahnının aranjimanı Rəşad Bağırova aiddir.

    Ailəsi ilə birgə Türkiyədəki evində dincələn müğənni Nadir Qafarzadədə Lent.az-a  açıqlamasında istirahət mövsümü olmasına baxmayaraq, bir neçə yeni mahnı yazdırdığını deyib:  “İstirahətdə olmağıma baxmayaraq, yeni mahnılar lentə aldırmışam. Bir neçə ifam artıq hazırdır, digərləri isə aranjiman olunur. Bu mahnıların da aranjeman işləri yekunlaşdıqdan sonra, onları dinləyicilərə təqdim edəcəyəm. Yaradıcılıqla bağlı yeniliklərim çoxdur.

 

Fuad Məmmədov

 

Muz-Tv.az