"Sol əllə qarmon ifa edən yeganə sənətkar - Zakir Mirzəyevin yaradıcılıq gecəsi - foto
Beynəlxalq Muğam Mərkəzdə Mədəniyyət və Turizm Nazirliyinin dəstəyi ilə Əməkdar Artist, görkəmli qarmon ifaçısı Zakir Mirzəyevin yaradıcılıq gecəsi keçirilib.
Muztv.az xəbər verir ki, gecədə Xalq Artistləri Aftandil İsrafilov, Ənvər Sadıqov, Gülyaz Məmmədova, Əməkdar Artistlər Nuriyyə Hüseynova, Teyyub Aslanov, Naxçıvan Muxtar Respublikasının Əməkdar Artisti Ehtiram Hüseynov, qarmon ifaçıları Aydın Əliyev, Baxşəli Əliyev, Teyyub Teyyuboğlu və klarnet ifaçısı Qulammirzə Mirzəyev iştirak ediblər.
Yaradıclıq gecəsində milli ifalar da səsləndirilib.
MUZ TV Azərbaycan-a və açıqlama verən Xalq Artisti, tarzən Möhlət Müslümov unudulmaz sənətkar haqqında xatirələrini bölüşüb:
”Mən Zakir Mirzəyev haqqında saatlarla danışa bilərəm. Bu gün fenomen musiqiçinin yaradıcılıq gecəsidir. Ona həmişə deyirəm ki, sən qarmonun ustadısan. Zakir Mirzəyev elə bir musiqiçidir ki, kompüterin edə bilmədiyi bir işi edə bilər. O, qarmonu solaxay da ifa edə bilir, bunu hər sənətçi edə bilmir. Baxmayaraq ki, uşaq vaxtı mən tar alətinin dərslərini alırdım amma Zakir Mirzəyevin sənətinin vurğunu olmuşam. O zamanlar mənim 10 yaşım olardı. Zakir Mirzəyev “muğamdan rəqsədək” adlı musiqi ifa etmişdi. Onu axtarırdım ki, onu yaxından görüm. İllər keçdi o mənim yaxın dostum oldu. Birgə bir çox səfərlərimiz olub, səhnə bölüşmüşük. İrana konsert səfərimizdə şahid oldum ki, onun adı çəkilən kimi bütün zal ayağa qalxdı. Adətən bu sənətdə yaş artdıqca, təcrübə çoxalır, texnika azalır. Amma bu vəziyyət Zakir müəllimdə müşahidə olunmur. 75 yaşda deyil, 15 yaşdakı oğlan kimi əlləri işləyir. Onu təbrik edirəm. Fəxr edirəm ki, Azərbaycanın Zakir Mirzəyev kimi sənəkarı var. Allah ona cansağlığı versin”.
Xalq Artisti, tarzən Firuz Əliyev gecənin səbəbkarı Zakir Mirzəyevin tezliklə “Xalq Artisti” fəxri adını almasını istəyib:
“Bu gün çox gözəl gündür. Mən Zakir Mirzəyevi elə uşaq olarkən tanıyırdım, rəqslərini izləyirdim. Ona bəstəkar da demək olar. Vituoz, texnar sənətkardır. O, qarmonda çox yeniliklər edib. Hər bir qarmon ifaçısı sol əldə mahnı ifa edə bilməz. O, özü bir məktəbdir. Ona can sağlığı arzu edirəm. Uğurlar olsun. Gərək o çoxdan Xalq Artisti adını alardı. Bunu gözləyirəm”.
Tədbirdə iştirak edən Xalq Artisti, qarmon ifaçısı Afdandil İsrafilov da Zakir Mirzəyevə xoş sözlərini çatdırıb:
”Zakir Mirzəyev 1950-ci illərdən bərinin sənətkarıdır. Onun barəsində əlimizdə imkan olan kimi xoş sözlərimizi danışırıq. O, özünün yaratdığı musiqiləri ilə Azərbaycan xalqına özünü sevdirə bilib. Sübut edib ki, ölkəmizdə qarmon sənətində sənətkarlarımız çoxdur. Onun öz səpkisi vardır. Yaşımız bərabər olsa da, onun fəaliyyətini hər zaman izləmişəm. Bu gün onun 75 illik yubileyidir. Ürəkdən təbrik edirəm, gələcək üçün müvəffəqqiylər arzu edirəm”.
Xalq Artisti, müğənni Gülyaz Məmmədova belə bir tədbirin keçirilməsinin təqdirəlayiq olduğunu söyləyib:
“Gözəl sənətkarımızın yubiley gecəsinə toplaşmışıq. Çox sevindim. Yaxşı ki, belə gözəl bir gün təşkil olunub. O, illərin sənətkarıdır. Onu uşaqlıqdan tanıyıram. O, həm də mənim müəllim yoldaşımdır. Çıxışımda ona həsr olunmuş bir bayatı da səsləndirəcəm. Zakir Mirzəyev elin sənətkarıdır. Təbrik edirəm. Belə sənətkarlar daim yaşasın, yaratsın”.
Tədbirlə bağlı süjetə noyabrın 8-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva
Muztv.az xəbər verir ki, gecədə Xalq Artistləri Aftandil İsrafilov, Ənvər Sadıqov, Gülyaz Məmmədova, Əməkdar Artistlər Nuriyyə Hüseynova, Teyyub Aslanov, Naxçıvan Muxtar Respublikasının Əməkdar Artisti Ehtiram Hüseynov, qarmon ifaçıları Aydın Əliyev, Baxşəli Əliyev, Teyyub Teyyuboğlu və klarnet ifaçısı Qulammirzə Mirzəyev iştirak ediblər.
Yaradıclıq gecəsində milli ifalar da səsləndirilib.
MUZ TV Azərbaycan-a və açıqlama verən Xalq Artisti, tarzən Möhlət Müslümov unudulmaz sənətkar haqqında xatirələrini bölüşüb:
”Mən Zakir Mirzəyev haqqında saatlarla danışa bilərəm. Bu gün fenomen musiqiçinin yaradıcılıq gecəsidir. Ona həmişə deyirəm ki, sən qarmonun ustadısan. Zakir Mirzəyev elə bir musiqiçidir ki, kompüterin edə bilmədiyi bir işi edə bilər. O, qarmonu solaxay da ifa edə bilir, bunu hər sənətçi edə bilmir. Baxmayaraq ki, uşaq vaxtı mən tar alətinin dərslərini alırdım amma Zakir Mirzəyevin sənətinin vurğunu olmuşam. O zamanlar mənim 10 yaşım olardı. Zakir Mirzəyev “muğamdan rəqsədək” adlı musiqi ifa etmişdi. Onu axtarırdım ki, onu yaxından görüm. İllər keçdi o mənim yaxın dostum oldu. Birgə bir çox səfərlərimiz olub, səhnə bölüşmüşük. İrana konsert səfərimizdə şahid oldum ki, onun adı çəkilən kimi bütün zal ayağa qalxdı. Adətən bu sənətdə yaş artdıqca, təcrübə çoxalır, texnika azalır. Amma bu vəziyyət Zakir müəllimdə müşahidə olunmur. 75 yaşda deyil, 15 yaşdakı oğlan kimi əlləri işləyir. Onu təbrik edirəm. Fəxr edirəm ki, Azərbaycanın Zakir Mirzəyev kimi sənəkarı var. Allah ona cansağlığı versin”.
Xalq Artisti, tarzən Firuz Əliyev gecənin səbəbkarı Zakir Mirzəyevin tezliklə “Xalq Artisti” fəxri adını almasını istəyib:
“Bu gün çox gözəl gündür. Mən Zakir Mirzəyevi elə uşaq olarkən tanıyırdım, rəqslərini izləyirdim. Ona bəstəkar da demək olar. Vituoz, texnar sənətkardır. O, qarmonda çox yeniliklər edib. Hər bir qarmon ifaçısı sol əldə mahnı ifa edə bilməz. O, özü bir məktəbdir. Ona can sağlığı arzu edirəm. Uğurlar olsun. Gərək o çoxdan Xalq Artisti adını alardı. Bunu gözləyirəm”.
Tədbirdə iştirak edən Xalq Artisti, qarmon ifaçısı Afdandil İsrafilov da Zakir Mirzəyevə xoş sözlərini çatdırıb:
”Zakir Mirzəyev 1950-ci illərdən bərinin sənətkarıdır. Onun barəsində əlimizdə imkan olan kimi xoş sözlərimizi danışırıq. O, özünün yaratdığı musiqiləri ilə Azərbaycan xalqına özünü sevdirə bilib. Sübut edib ki, ölkəmizdə qarmon sənətində sənətkarlarımız çoxdur. Onun öz səpkisi vardır. Yaşımız bərabər olsa da, onun fəaliyyətini hər zaman izləmişəm. Bu gün onun 75 illik yubileyidir. Ürəkdən təbrik edirəm, gələcək üçün müvəffəqqiylər arzu edirəm”.
Xalq Artisti, müğənni Gülyaz Məmmədova belə bir tədbirin keçirilməsinin təqdirəlayiq olduğunu söyləyib:
“Gözəl sənətkarımızın yubiley gecəsinə toplaşmışıq. Çox sevindim. Yaxşı ki, belə gözəl bir gün təşkil olunub. O, illərin sənətkarıdır. Onu uşaqlıqdan tanıyıram. O, həm də mənim müəllim yoldaşımdır. Çıxışımda ona həsr olunmuş bir bayatı da səsləndirəcəm. Zakir Mirzəyev elin sənətkarıdır. Təbrik edirəm. Belə sənətkarlar daim yaşasın, yaratsın”.
Tədbirlə bağlı süjetə noyabrın 8-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva