Faiq Ağayev Facebook səhifəsini bağladı

Xalq artisti Faiq Ağayev yeni qərar alıb. Müğənni “Facebook” profilini bağlayaraq sosial şəbəkədən imtina edib. 

    Xalq artisti Faiq Ağayev yeni qərar alıb. Müğənni “Facebook” profilini bağlayaraq sosial şəbəkədən imtina edib. Sənətçi status yazaraq hər kəsə minnətdarlıq edib və virtual həyatdan ayrıldığını açıqlayıb: “Hamıya təşəkkürlər dostlar, 21:00-da “Facebook”dan ayrılıram. Allah amanında”.  

   Xalq artisti Brilliant Dadaşova imicində dəyişiklik edib. Müğənni saçlarına qaynaq etdirərək uzadıb. Uzun illərdir qısa saç düzümü ilə görməyə alışdığımız xalq artistinin bu görkəmi maraqla qarşılanıb.Brilliant Dadaşova yeni fotolarını sosial şəbəkədə paylaşıb.

    İradə İbrahimova haqqında yayılan xəbərlərə münasibət bildirib: “Bəzi saytlarda yazırlar ki, İradə artıq dodaqlarını böyütdürüb. Hətta şəklimi montaj edib yayıblar. Bu, yalandır. Hələ neçə il əvvəl dodaqları şişirtmək dəb olanda bu, mənə də təklif olunmuşdu, amma istəmədim. Halımdan razıyam. Nəyəsə müdaxilə etmək fikrim yoxdur”.O bildirib ki, dodaqlarında yox, saç düzümündə dəyişiklik edib. 

    Müğənni, bəstəkar, eyni zamanda şoumen Rəhim Rəhimli evində piano çalarkən görüntülənib. Çəkilişdən xəbəri olmayan bəstəkar pianoda Şövkət Ələkbərovanın ifasında yaxşı xatırladığımız “Axşam mahnısı”nı çalıb. Alqışlarla qarşılanan Rəhim çalğını bitirdikdən sonra çəkilişdən xəbəri olub. 

 

Sevda Məmmədova

 

Muz-Tv.az