Özcan Dəniz “Ya sonra” filminin davamını çəkəcək

Məşhur türk müğənnisi Özcan Dəniz "Ya sonra” fiminin davamını çəkmək qərarına gəlib.

   Məşhur türk müğənnisi Özcan Dəniz  "Ya sonra” fiminin  davamını çəkmək qərarına gəlib. Müğənni bu barədə öz  "İnstagram”səhifəsində məlumatverib: “”Ya sonra” filmini sevənlərə müjdəm var. 2014-cü ildə davamını çəkməyi planlaşdırıram”.Qeyd edək ki, "Ya sonra” filmi Özcan Dənizin rejissor kimi  ilk işidir və bu filmdə əsas rolları Özcan Dəniz, Dəniz Çakır, Barış Falay və Raqıp Savaş kimi məşhur aktyorlar ifa ediblər. 

   Tanınmış teleaparıcı Maksim Qalkin yeni obrazda tamaşaçıların qarşısına çıxacaq. Sovet dönəmindən bəhs edən bir filmdə 37 yaşlı Qalkin iki obrazı birdən oynayacaq. Teleaparıcı həm orta əsrlərin müasir gəncini, həm də ingilis hersoqunun obrazını canlandıracaq. “Aktyor olmaq arzularımdan biri idi. Nədənsə, həmişə hiss etmişəm ki, komediyadan başlamaq lazımdır” -deyən Qalkin etirafı ilə hər kəsin marağına səbəb olub.  Filmin premyerası 2014-cü ildə baş tutacaq. Hazırda isə o, Ukrayna və Rusiyada filmin çəkilişlərində iştirak edir. 

   Bu il fevralda nümayişə çıxarılan Yılmaz Ərdoğanın “Kelebeyin Rüyası” adlı film oktyabrın 10-dan yenidən kinoteatrlarda nümayiş olunacaq.Yılmaz Ərdoğanın rejissorluq etdiyi filmdə baş rol ifaçıları Kıvanç Tatlıtuğ, Mert Fırat və Bilgin olacaq. Filmin ssenarısı 1940-cı illərdə yaşamış və gənc yaşlarında vərəm xəstəliyindən ölmüş 2 şairin həyatından bəhs edir. Rejissor Yılmaz Ərdoğan isə ekran əsərində Behçet Necatigil rolunu canlandıracaq. Başroldakı Tıvanç Tatlıtuğ film üçün xeyli arıqlayaraq marağa səbəb olub.

 

Sevda Məmmədova

 

Muz-Tv.az