İlhamə Quliyevaya növbəti titul verildi

Avqustun 17-də Azərbaycanın və Dağıstanın xalq artisti İlhamə Quliyevanın səhnə fəaliyyətinin 50 illik yubileyi və doğum günüdür. 

    Avqustun 17-də Azərbaycanın və Dağıstanın xalq artisti İlhamə Quliyevanın səhnə fəaliyyətinin 50 illik yubileyi və doğum günüdür. Bununla bağlı  Azərbaycan Kütləvi İnformasiya Vasitələri İşçiləri Həmkarlar İttifaqı Rəyasət Heyətinin qərarı ilə İlhamə xanım mədəniyyət və incəsənət sahəsində göstərdiyi xidmətə görə “Ustad Sənətkar” ali media mükafatına layiq görülüb. Qeyd edək ki, sənətçi adıçəkilən ittifaqın fəxri üzvüdür.

   Məşhur şoumen Murad Dadaşov adrenalin və ekspromt macəra həvəskarıdır. Elə bu səbəbdən də o, yayın isti günlərində İspaniya sahillərində yerləşən Kosta-Blankaya səfər edib. Murad oranın məşhur yerlərindən hesab olunan “Safari-Aitana” parkında qonaq olub. Dağlarla əhatə olunan bu parkda heyvanlar azadlıqda yaşayır. Murad Dadaşov da gördüyü heyvanların şəkillərini çəkib, Facebookda paylaşıb.

   Meyxanaçı Namiq Qaraçuxurlu seriala çəkiləcək. Sənətçi bu haqda İnstaqram sosial şəbəkəsində yazıb. O: “Azərbaycanda çəkilən bir çox serialdan dəvət almışam. Heç kimin zəhmətini aşağılamaq fikrim yoxdur. Sadəcə təklif olunan obrazda özümü görmədiyim üçün imtina etmişəm. Nəhayət, məni tərpədən ssenari və obrazla qarşılaşdım. Oktyabrdan “Toy gecəsi” adlı serialda Murad obrazı ilə qarşınıza çıxacam.”-deyə əlavə edib.

   Müğənni Xatirə İslam suvenir vurğunudur. O getdiyi hər ölkədən özü üçün maraqlı əşyalar alır. Sənətçinin ən dəyərli əşyası isə onun üçün xüsusi hazırlanan nərddir. Bu nərdin zərləri qızıldandır, üzərində isə brilyant qaşlar var. Müğənni: “ toyum üçün tikdirdiyim xüsusi gəlinliyini də saxlayıram.  Bu gəlinlik mənə 15 min manata başa gəlib, onu ömrü boyu saxlayacağam”-deyə əlavə edib. 

 

Səma Ələsgərova

 

Muz-Tv.az