Ezonun əsl adı Səadət çıxdı

İstirahət üçün Türkiyəni seçən müğənnilərdən biri də gənc ifaçı Sevda Yahyayeva olub. Bir müddətdir Türkiyədə dincələn müğənninin prodüsseri Tolik vətənə qayıdan kimi...

   İstirahət üçün Türkiyəni seçən müğənnilərdən biri də gənc ifaçı Sevda Yahyayeva olub. Bir müddətdir Türkiyədə dincələn müğənninin prodüsseri Tolik vətənə qayıdan kimi Sevda istirahətə yollanıb. Müğənni konsertindən əvvəl dincəlib, enerji yığmaq istəyir. Qeyd edək ki, səfərə çıxmazdan əvvəl o, yeni mahnılar hazırlayıb. Sevda eyni zamanda bir neçə mahnısının remiks variantını da təqdim edəcək.

   Tanınmış müğənni Samir Bağırov Nərimanov rayonunda kirayədə qaldığı mənzildən çıxarılıb. Səbəb müğənninin ev pulunu vaxtında ödəməməsi olub. İfaçının hazırda harada qaldığı da bilinmir. Qeyd edək ki, son bir il ərzində o, üç dəfə kirayə mənzil dəyişib.

   Rəqqasə Fatimə Fətəliyeva özü haqda bəzi sirləri açıb. Onun sözlərinə gorə, sadəlövh olduğu üçün hər zaman problemlər yaşayır: “Hər gün özümü danlayıram ki, Fatimə, bir az yekəxana, özündənrazı ol. Sadəliyim mənə problem yaradır. Çox səhvlərim olub, amma yaşım artıqca müdrikləşirəm. İndi səhv addım atanda gözümün önünə yaxınlarımı, doğmalarımı gətirirəm”. Rəqqasə eyni zamanda bədxərc olmasından da şikayətlənib: “Anam həmişə deyir ki, insan gərək “qara gün”ünü fikirləşsin. Mən isə bunu bacarmıram. Qızıl, brilyant həvəskarı deyiləm. Bijüteriya dəlisiyəm. Bir dəfə Hindistanda olanda bijüteriyaya beş min dollar ödədim. Hamı elə bilirdi ki, satmaq üçün alıram”.

   Ezo haqqında daha bir fakt üzə çıxıb. Əsl adı Səadət olan azərbaycanlı qızın Rafetdən əvvəl Türkiyənin bir sıra sənətçiləri ilə münasibəti olduğu məlum olub. Məsələn, onun Gökhan Güneşlə 2010-cu ildə “Əmanət” adlı mahnını ifa etməsi xeyli marağa səbəb olmuşdu. “Youtube”da yerləşdirildiyi andan xeyli baxış sayı toplayan ifa dinləyicilər tərəfindən yaxşı qarşılanıb.Bundan əlavə, Ezonun Türkiyədə keçirilən “Müzik benim hayatım” yarışmasında uğurlu iştirakını da qeyd etmək lazımdır. Elə bu zamandan Səadət Rafetin diqqətini cəlb edib.

   Yarışmada iştirakı zamanı onun söylədiyi sözlər də marağa səbəb olub: “2008-ci ildə Bakıda verdiyi konsert zamanı 5000 insanın qarşısında Tarkanla eyni səhnədə olmaq mənim üçün ən böyük xoşbəxtik və uğur oldu”. “Musiqi mənim həyatımdır” söyləyən 19 yaşlı Ezo azərbaycanlı olduğunu hər zaman hər yerdə fəxrlə söyləyir.

 

Sevda Məmmədova

 

Muz-Tv.az