Möhtəşəm "Bollywood Nigh" baş tutdu - foto
Ötən gecə Xalq Artisti Faiq Ağayevlə Hindistan estradasının madonnası Alişa Çinainin Heydər Əliyev adına İdman və Konsert Kompleksində "Bollywood Nigh" şousu baş tutub.
Muztv.az xəbər verir ki, izdihamla qarşılanan konsertin açılışı Azərbaycan və Hindistanın dövlət himnlərinin səslənməsi ilə olub.
Sonra Xalq Artisti Faiq Ağayev səhnəyə "Nə məsələdir?" adlı mahnısı ilə təşrif buyurub.
Kulis arxasında öz həyəcanını MUZ TV Azərbaycan-a bölüşən Faiq Ağayev məmnun olduğunu dilə gətirib:
"Çox xoş bir həyəcan var. Doğrudan da möhtəşəm gecədir. Zaldan bir ümman pozitiv gəlir. Bu gün biz tamaşaçılarımza Hind-Azərbaycan nağıl bəxş etmək istəyirik. Düşünürəm ki, buna müvəffəq də olduq. Çıxışlarımızı təqdim etdik. Uğurlu alındı. Hər kəsə təşəkkür edirəm".
Nəhayət ki, səhnəyə dəvət olunan Alişa Çinai hər kəsi salamlayaraq ardıcıl sevilən mahnılarını səsləndirib.
Gecədə müğənni Könül Kərimova ilə Kamran Həsənlinin hind dueti, eləcə də müğənni Ceyhun Bakinskinin ifası da yer alıb.
Bundan əlavə, modelyer Aygün Mahmudovanın Hindistan moda kolleksiyası da təqdim olunub.
Xalq Artistinin bütün silsilə konsertlərində hər zaman yanında olan anası Səfiyə Ağayeva da qürur duyduğunu etiraf edib:
"Bu gün də oğlumdan gözəl bir konsert gözləyirəm. Əlbəttə ki, bir ana kimi çox sevindim. O, tək mənim deyil, bütün Azərbaycanın oğludur. Mən də onu dünyaya gətirən bir ana kimi sevinirəm. İnşallah ki, yaxşı olacaq. Təəssüratlarım odur ki, anada hər zaman həyəcan olur. Fəxr hissini Allahla duyuram. Amma oğlumun hər müvəffəqiyyətinə sevinirəm. Allah bütün anaları sevindirsin, mən də onların içində olum".
Faiq Ağayevin sənət dostları da onu özəl günündə tək qoymadı. Müğənni Almaz Ələsgərova xoş təəssüratlarını MUZ TV Azərbaycan kanalına bölüşüb:
"Çox gözəl bir konsert gözləyirəm. Mən bura gəlmişəm ki, həmkarıma dəstək olam. Faiq Ağayevin yaradıcılığına çox böyük hörmətim var. O, mənim dostumdur. Hind musiqisinin isə uşaqlıqdan pərəstişkarı olmuşam. Retro musiqiləri hər zaman dinləmişik. Bura da böyük sevgi ilə gəlmişəm. Böyük zövqlə dinləyəcəm".
Balaca Nurayın möhtəşəm performansı da zaldakı insanları bir daha çoşdurub.
Xatırladaq ki, "Bollywood Night” Azərbaycan və Hindistan arasında diplomatik əlaqələrin qurulmasının 25-ci ildönümünə və Hindistanın müstəqilliyinin 70 illiyinə həsr olunub.
Konsertlə bağlı süjetə noyabrın 13-dəaat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva
Muztv.az xəbər verir ki, izdihamla qarşılanan konsertin açılışı Azərbaycan və Hindistanın dövlət himnlərinin səslənməsi ilə olub.
Sonra Xalq Artisti Faiq Ağayev səhnəyə "Nə məsələdir?" adlı mahnısı ilə təşrif buyurub.
Kulis arxasında öz həyəcanını MUZ TV Azərbaycan-a bölüşən Faiq Ağayev məmnun olduğunu dilə gətirib:
"Çox xoş bir həyəcan var. Doğrudan da möhtəşəm gecədir. Zaldan bir ümman pozitiv gəlir. Bu gün biz tamaşaçılarımza Hind-Azərbaycan nağıl bəxş etmək istəyirik. Düşünürəm ki, buna müvəffəq də olduq. Çıxışlarımızı təqdim etdik. Uğurlu alındı. Hər kəsə təşəkkür edirəm".
Nəhayət ki, səhnəyə dəvət olunan Alişa Çinai hər kəsi salamlayaraq ardıcıl sevilən mahnılarını səsləndirib.
Gecədə müğənni Könül Kərimova ilə Kamran Həsənlinin hind dueti, eləcə də müğənni Ceyhun Bakinskinin ifası da yer alıb.
Bundan əlavə, modelyer Aygün Mahmudovanın Hindistan moda kolleksiyası da təqdim olunub.
Xalq Artistinin bütün silsilə konsertlərində hər zaman yanında olan anası Səfiyə Ağayeva da qürur duyduğunu etiraf edib:
"Bu gün də oğlumdan gözəl bir konsert gözləyirəm. Əlbəttə ki, bir ana kimi çox sevindim. O, tək mənim deyil, bütün Azərbaycanın oğludur. Mən də onu dünyaya gətirən bir ana kimi sevinirəm. İnşallah ki, yaxşı olacaq. Təəssüratlarım odur ki, anada hər zaman həyəcan olur. Fəxr hissini Allahla duyuram. Amma oğlumun hər müvəffəqiyyətinə sevinirəm. Allah bütün anaları sevindirsin, mən də onların içində olum".
Faiq Ağayevin sənət dostları da onu özəl günündə tək qoymadı. Müğənni Almaz Ələsgərova xoş təəssüratlarını MUZ TV Azərbaycan kanalına bölüşüb:
"Çox gözəl bir konsert gözləyirəm. Mən bura gəlmişəm ki, həmkarıma dəstək olam. Faiq Ağayevin yaradıcılığına çox böyük hörmətim var. O, mənim dostumdur. Hind musiqisinin isə uşaqlıqdan pərəstişkarı olmuşam. Retro musiqiləri hər zaman dinləmişik. Bura da böyük sevgi ilə gəlmişəm. Böyük zövqlə dinləyəcəm".
Balaca Nurayın möhtəşəm performansı da zaldakı insanları bir daha çoşdurub.
Xatırladaq ki, "Bollywood Night” Azərbaycan və Hindistan arasında diplomatik əlaqələrin qurulmasının 25-ci ildönümünə və Hindistanın müstəqilliyinin 70 illiyinə həsr olunub.
Konsertlə bağlı süjetə noyabrın 13-dəaat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva