İradənin 7 yaşlı qızı

Müğənni İradə İbrahimovanın qızı İpəyin ötən gün 7 yaşı tamam olub.

Muztv.az xəbər verir ki, Türkiyədə yaşayan sənətçi övladınının fotosunu İnstaqram səhifəsində bölüşərək ürək sözlərini yazıb: 

"Övladın qızı, oğlanı olmaz, ikisinin də qoxusu fərqlidir, dəyəri, qiyməti çoxdur. Hər ikisi canımdan bir parçadır. Baxmayaraq ki, dünyada gördüyümüz hər şey Allahın yaratdığı qadının əsəridir, amma eyni zamanda bu dünya qadın üçün bir təhlükəlidir.  Qızlarımıza güclü, öz ayaqları üstündə möhkəm durmağı bilməyi öyrətməliyik. Bu günün güclü qızları gələcəyin güclü qadınlarıdır. Qız uşaqları həyatdır, sevgidir, bərəkətdir. Analar, atalar övladlarınızı daş-qaşla, bahalı həyatla deyil, sevgiylə, şəvqətlə, güvənlə, diqqətlə əhatə edin. Bunlarla həddi-buluğa çatsın uşaqlarımız. Hər zaman indiki kimi əllərini tutduğumuzu hiss etsinlər, ədalətsizlikdən uzaq həyatları olsun. Həyatda bir ananın əziyyətinin, zəhmətinin, əməyinin qarşılığının aldığı varlıq övladlarıdır. Ötüb keçən dünyada ən böyük izim övladlarımdır, düşünürəm. Mənim dünyam, qızım, gözümün nuru, İpəyim, yeni yaşın mübarək!”.

Xatırladaq ki, türkiyəli iş adamı Ceyhun İzerlə ailəli olan İradənin Əli adlı bir oğlu da var.