Röyanın yeni klipindən ilk görüntülər yayımlandı

Əməkdar artist Aybəniz Haşımova Ramazan bayramını vətəndən kənarda qeyd edəcək. Sənətkarın sözlərinə görə, “Bülbüllər” qrupu millət vəkili Qənirə...

    Əməkdar artist Aybəniz Haşımova Ramazan bayramını vətəndən kənarda qeyd edəcək. Sənətkarın sözlərinə görə, “Bülbüllər” qrupu millət vəkili Qənirə Paşayevanın rəhbərlik etdiyi Beynəlxalq Avrasiya İctimayi Birliyi ilə birgə Türkiyənin Iğdır vilayətinə yola düşəcək. Səfər avqustun 7-i reallaşacaq. Aybəniz xanım və qrupu Iğdırda Ramazan bayramı münasibəti  ilə təşkil edilmiş tədbirlərdə iştirak edəcək, eləcə də konsert verəcək. Avqustun 22-də isə Aybəniz xanım 45 illik yubileyini qeyd etməyi düşünür.

   Bir müddətdir ki, Türkiyədə olan Röya yeni klipinin çəkilişlərinə başlayıb.  Ekran işinin çəkilişləri zamanı müğənni Rəhim Rəhimli də onu tək qoymayıb. İstanbulda lentə alınan video çarxdan ilk fotoları sosial şəbəkədə paylaşan sənətçi hələ ki, mahnının adını gizli saxlayır.

   “Avroviziya” mahnı müsabiqəsinin qalibi Eldar Qasımov Ukrayna və Azərbaycan yaradıcı komandasının birgə məhsulu olan yeni "Angelı" adlı mahnısını dinləyicilərə təqdim edib. Layihənin meneceri qismində çıxış edən Ömər Əbdülkərimovun sözlərinə görə, yaxınlarda mahnının klip çəkilişləri də nəzərdə tutulur.  Onu da deyək ki,  kompozisiya İvan  Dorn, Aleksandr Rıbak, Ani Lorak kimi tanınmış ulduzların çalışdığı məhşur leyblda  hazırlanıb.

   “Avroviziya - 2013” mahnı müsabiqəsində ölkəmizi təmsil edən Fərid Məmmədov imicində dəyişiklik edib. Saqqal sağlamağa başlayan gənc müğənnini fanatları heç vaxt belə görməyib. Onun bu görünüşü heyranlarının müxtəlif  fikirlər bildirməsinə səbəb olub. Çoxluq bunu bəyənsə də, bir qismi Fəridin olduğundan yaşlı göründüyünü iddia edib.  Bu günlərdə Xəzər sahilində gəzintiyə çıxan sənətçi çətin idman hərəkətləri də etməkdən çəkinməyib.  Müğənni həmin fotolarını sosial şəbəkədə fanatları ilə paylaşıb.

 

Sahilə Aslanova

 

Muz-Tv.az