Türkiyədəki fanatlarından Aygün Kazımovaya maraqlı sürpriz

Bir neçə gün əvvəl  qəfildən halı pisləşən rəqqasə- müğənni Sevda Sanəliyeva xəstəxanaya aparılıb və əməliyyat olunub. O, narkozdan gec ayıldığını, gözlərini açanda saçlarını...

    Bir neçə gün əvvəl  qəfildən halı pisləşən rəqqasə- müğənni Sevda Sanəliyeva xəstəxanaya aparılıb və əməliyyat olunub.  O, narkozdan gec ayıldığını, gözlərini açanda saçlarını kəsdiklərini bildirib. Sevda sosial şəbəkədəki profilində səhhətindən yazaraq, hazırda özünü yaxşı hiss etdiyini deyib: “Əziz dostlarım və məni sevənlər, yazılanlar düzdür, ağır və çətin bir gün keçirdim. Amma şükürlər olsun ki, indi özümdəyəm, bir neçə gündən sonra isə ayağa qalxacağam. Hamınıza göstərdiyiniz sevgi və qayğıya görə təşəkkür edirəm”.

   Müğənni Rəqsanə bəstəkar Lalə Məmmədovanın mahnısını repertuarına daxil edib. Belə ki,“Adı olmayan roman” adlanan mahnı Türkiyədə aranjiman edilib. Sənətçi bəstənin onun repertuarında gözəl alındığını bildirib. Qeyd edək ki, Rəqsanə iki gündən sonra Bakıya gələcəyini söyləyib. Müğənni Ramazan bayramını burada qeyd edəcək: “Əslində Bakıya iki gün bundan əvvəl gəlməli idim. Bəzi işlərim yubandığı üçün səfəri təxirə salmalı oldum. İnşallah iki gündən sonra Bakıda olacağam. Bayramı orada keçirtmək istəyirəm”.

   Bodruma istirahətə yola düşən xalq artisti Aygün Kazımova orda xoş sürprizlə qarşılaşıb. Superstarın gəlişindən xəbər tutan türkiyəli fanatlar onu təəccübləndiriblər. Belə ki, onlar  “Diva Aygün” yazılan xüsusi avtomobil gətirərək onu çiçək yağışına tutublar.

   Müğənni və bəstəkar Rəhim Rəhimli 13 il öncə ifa etdiyi “Qızlar” mahnısını yenidən oxuyub.Sənətçi sözügedən bəstənin dinləyicilər tərəfindən tələb olunduğunu görərək yenidən ifa etmək qərarına gəlib. Rəhim “Qızlar” mahnısını bu dəfə fərqli aranjiman etdirib.

 

Fuad Məmmədov

 

Muz-Tv.az