Prodüser Tolik sənətçiləri paxıllıqda ittiham etdi

İranda latın və ərəb qrafikası ilə Azərbaycan dilində “Habil Əliyev ucalığı” kitabı nəşr edilib. Əkbər Azad tərəfindən iki əlifba üzrə hazırlanmış kitabda xalq artisti, dünya şöhrətli...

    İranda latın və ərəb qrafikası ilə Azərbaycan dilində “Habil Əliyev ucalığı” kitabı nəşr edilib. Əkbər Azad tərəfindən iki əlifba üzrə hazırlanmış kitabda xalq artisti, dünya şöhrətli kamança ustası Habil Əliyevin həyat və yaradıcılığından bəhs edilir. Kitabda Habil Əliyevə həsr edilmiş şeirlər və məqalələr, onun həyatının ayrı-ayrı məqamlarına aid maraqlı fotolar yerləşdirilib. “Azərbay” şirkəti tərəfindən yayımlanan yeni nəşr 2000 tirajla oxucuların ixtiyarına verilib.

    Əməkdar artist Tünzalə Ağayeva “O'na gedən Yol...” adlı konsert proqramı ilə çıxış edəcək.  Gecədə sözləri millət vəkili Qənirə Paşayevaya, musiqisi Tünzalə xanıma aid olan “Qapını aç bu quluna ey Rəbbim!” adlı yeni mahnısı ilk dəfə dinləyicilərə təqdim olunacaq. Konsertin  xüsusi qonağı xalq artisti Nəzakət Teymurovadır. Onlar birlikdə duet ifa edəcəklər.Tədbir avqustun 8-də, saat 19.00-da M.Maqomayev adına Azərbaycan Dövlət Filarmoniyasında keçiriləcək.

    Rəqqasə Fatimə Fətəliyevanın qızı Aydan bu il universitetə qəbul olub. Sənətçi sevincini bölüşərkən:“Aydan bu il məni çox sevindirdi. Yüksək balla iqtisadiyyat universitetinə qəbul olub. Hələ ona heç bir hədiyyə almamışam. Qızımı çox ərköyün etməyi xoşlamıram. Amma söz vermişəm ki, birinci kursu uğurla başa vursun, ikinci il ona avtomobil alacağam”-deyə bildirib.

    Prodüser Tolik yenə də qalmaqallı açıqlaması ilə səs-küy yaradıb. Belə ki, o ,sənətçiləri paxıllıqda ittiham edib. Tolik sosial şəbəkədə yazdığı rəydə xalq artisti Aygün Kazımovanı heç bir müğənninin təbrik etməməsinə etirazını bildirərək:“ Aygün Kazımova dünya layihəsi etdi, bütün türk mətbuatı ondan yazdı. Bizimkilər isə paxıllıqdan onu təbrik etmədi. Amma Ajda və ya hansısa bir türk müğənnisi gələndə qabaqlarına qaçırlar”-deyə əlavə edib.

 

Səma  Ələsgərova

 

Muz-Tv.az