“Qəlbimin sahibi yoxdur..." - Çinarə Məlikzadədən MUZ TV Azərbaycan-a eksklüziv
Son illərdə Türkiyədə yaxşı səs-sədası gələn müğənni Çinarə Məlikzadə MUZ TV Azərbaycana özəl açıqlamalar verib.
Muztv.az xəbər verir ki, Çinarə türkiyəli müğənni Mustafa Ceceli ilə birgə duet ifa etdiyi “Simsiyah” mahnısının ərsəyə gəlməsindən danışıb.
İfaçı duetin təsadüfən ərsəyə gəlməsini vurğulayıb:
“Mustafa Ceceli ilə duetim təsadüfən olan bir şeydir. Mustafa bəyin yaxın bir adamı var, bu barədə biz ona müraciət etmişdik. O da sağ olsun, bizi Mustafa Ceceli ilə əlaqələndirdi. Beləcə, birlikdə duet səsləndirdik. Əslində mən bu mahnını tək oxuyub klip də çəkdirmək istəyirdim. Belə oldu ki, Mustafa bəy məndən öncəyə düşdü. Sən demə onun da fikrində var imiş ki, bu mahnını bir yerdə səsləndirək. Mənə dedi ki, bu mahnını məhz mənim ifamda “Youtube”da eşidib. Bəyəndiyini söylədi. Dedi, onsuz da Çinarə mən özüm səni axtaracaqdım. Bu barədə fikirləşirdim. Bu jestinə görə Mustafa bəyə təşəkkür edirəm”.
Çinarə ona 1 il öncə uğur gətirən “Gedək üzü küləyə” mahnısından da söz açıb:
“Mən heç özüm də bilmirdim ki, “Gedək üzü küləyə” mahnısı mənim ifamda anşlaqla qarşılanacaq. O mahnı illərdir sevdiyim mahnı idi, universitet vaxtı da həmişə onu özüm üçün zümzümə edirdim. Bəxtəbəxt idi, içimdən gəldi, oxudum, bu qədər sevildi. Düzü gözləməzdim”.
Bundan əlavə, Çinarə qarşıda olan sənət planlarından da danışıb:
“Aktrisa kimi çox təkliflər var. Hələki bu barədə düşünmürəm. Yalan deyərəm. Amma yeni mahnılar üzərində çalışıram. Yeni deyəndə ki, yenə də retro mahnılara üstünlük verirəm”.
Şəxsi həyatından da danışan müğənni hazırda onun üçün özəl birinin olmadığını desə də, bunu qismətə bağlayıb:
“İlk evliliyimi çox adam bilmirdi. Ona görə ki, özəl həyatımdan danışmağı sevmirəm. Subayçılıqdır (gülür). Qəlbimin sahibi yoxdur, kaş ki olsa… Axı bu insanın özündən aslı olan bir şey deyil. Onu gərək ürək istəsin, o da, yoxdursa, yoxdur. Hərdən deyirəm, heç olmasa yaxşıdır. Çünki bu dəqiqə daha çox karyeramı düşünürəm. İrəliləmək istəyirəm. Sevgini Allah məsləhət görəndə olacaq. Hər şeyi zamanın axarına buraxmışam. Heç bir işim planlı deyil. Vaxtı gələndə şəxsi həyat da olacaq”.
Xatırladaq ki, Çinarə Məlikzadə aktyor Əlibəy Məmmədli ilə qısa müddətdə ailəli olub.
Bununla bağlı süjetə noyabrın 16-da saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva
Muztv.az xəbər verir ki, Çinarə türkiyəli müğənni Mustafa Ceceli ilə birgə duet ifa etdiyi “Simsiyah” mahnısının ərsəyə gəlməsindən danışıb.
İfaçı duetin təsadüfən ərsəyə gəlməsini vurğulayıb:
“Mustafa Ceceli ilə duetim təsadüfən olan bir şeydir. Mustafa bəyin yaxın bir adamı var, bu barədə biz ona müraciət etmişdik. O da sağ olsun, bizi Mustafa Ceceli ilə əlaqələndirdi. Beləcə, birlikdə duet səsləndirdik. Əslində mən bu mahnını tək oxuyub klip də çəkdirmək istəyirdim. Belə oldu ki, Mustafa bəy məndən öncəyə düşdü. Sən demə onun da fikrində var imiş ki, bu mahnını bir yerdə səsləndirək. Mənə dedi ki, bu mahnını məhz mənim ifamda “Youtube”da eşidib. Bəyəndiyini söylədi. Dedi, onsuz da Çinarə mən özüm səni axtaracaqdım. Bu barədə fikirləşirdim. Bu jestinə görə Mustafa bəyə təşəkkür edirəm”.
Çinarə ona 1 il öncə uğur gətirən “Gedək üzü küləyə” mahnısından da söz açıb:
“Mən heç özüm də bilmirdim ki, “Gedək üzü küləyə” mahnısı mənim ifamda anşlaqla qarşılanacaq. O mahnı illərdir sevdiyim mahnı idi, universitet vaxtı da həmişə onu özüm üçün zümzümə edirdim. Bəxtəbəxt idi, içimdən gəldi, oxudum, bu qədər sevildi. Düzü gözləməzdim”.
Bundan əlavə, Çinarə qarşıda olan sənət planlarından da danışıb:
“Aktrisa kimi çox təkliflər var. Hələki bu barədə düşünmürəm. Yalan deyərəm. Amma yeni mahnılar üzərində çalışıram. Yeni deyəndə ki, yenə də retro mahnılara üstünlük verirəm”.
Şəxsi həyatından da danışan müğənni hazırda onun üçün özəl birinin olmadığını desə də, bunu qismətə bağlayıb:
“İlk evliliyimi çox adam bilmirdi. Ona görə ki, özəl həyatımdan danışmağı sevmirəm. Subayçılıqdır (gülür). Qəlbimin sahibi yoxdur, kaş ki olsa… Axı bu insanın özündən aslı olan bir şey deyil. Onu gərək ürək istəsin, o da, yoxdursa, yoxdur. Hərdən deyirəm, heç olmasa yaxşıdır. Çünki bu dəqiqə daha çox karyeramı düşünürəm. İrəliləmək istəyirəm. Sevgini Allah məsləhət görəndə olacaq. Hər şeyi zamanın axarına buraxmışam. Heç bir işim planlı deyil. Vaxtı gələndə şəxsi həyat da olacaq”.
Xatırladaq ki, Çinarə Məlikzadə aktyor Əlibəy Məmmədli ilə qısa müddətdə ailəli olub.
Bununla bağlı süjetə noyabrın 16-da saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva