“Sən necə də gözəlsən” – Zamiqdən MUZ TV Azərbaycan-a eksklüziv – foto
Müğənni Zamiq Hüseynov MUZ TV Azərbaycan kanalına özəl açıqlama verib.
Muztv.az xəbər verir ki, sənətçi noyabrın 20-də baş tutacaq konserti barədə fikirlərini bölüşüb:
“Hər gün məşq gedir. Əslində, həm çətindir, həm asandır, həm həyəcanlıdır, həm də sevindiricidir. Çünki böyük məsuliyyətdir. Böyük bir orkestrlə konsert vermək mənim uşaqlıq arzum idi. Bu arzuya çatmaq özü böyük bir işdir. Bu mənim üçün sənət dünyamda yenilikdir. Fikirləşirəm ki, nə qədər məsuliyyətli və həyəcanlı olsa da, bunun öhdəsindən yaxşı gəlməliyəm. Ona görə də hər gün məşq edirik ki, hər şey daha da yaxşı olsun”.
Zamiq konserti ilə bağlı repertuarını da açıqlayıb:
“Konsertdəki repertuarıma klassik, retro musiqilərimiz, bəstəkar mahnıları daxildir. Konsertimdə öz mahnılarımdan “Sən necə də gözəlsən” və mərhum sənətkar İlhamə Quliyevanın repertuarından ifa etdiyim “Kaman” mahnısı da yer alacaq. İtalyan musiqisi də səsləndirəcəm. Sırf simfonik orkestlə ifa edəcəm, onlara yaraşacaq mahnılar səsləndirəcəm”.
Üç-dörd aydan sonra Heydər Əliyev sarayında yenidən konserti gözlənilən ifaçı 2 gün sonra baş tutacaq özəl gününə heç bir sənət dostunu dəvət etmədiyini bildirib:
“Konsertimə heç kimi dəvət etməmişəm. Əslində, bu konsertim çox qısa zamanda planlaşdırıldı. Heç kimə əziyyət vermək istəmirəm. Həmişə konsertlərimdə bütün sənət yoldaşlarım iştirak ediblər. Bundan sonrakında da olacaqlar. Hardasa 3-4 aydan sonra Heydər Əliyev Sarayında konsertim olacaq. İstəmirəm hər iki konsertimdə dostlarıma əziyyət verim. Hər kəsi gələn konsertimə dəvət edəcəm. Ancaq solo ifalarım yer alacaq. Konsertin müddəti isə 1 saat yarım olar”.
Zamiq Əməkdar Artist və yaxın dostu Röya Ayxan ilə münasibətlərindən də söz açıb:
“Hamı ilə münasibətim yaxşıdır. Sadəcə olaraq son vaxtlar başım daha çox öz işlərimə qarışıb. Mütəmadi olaraq görüşürük, deyib-gülürük. Heç bir küsülülük yoxdur”.
Sənətçi şəxsi həyatı ilə bağlı ona ünvanlanan sualları cavabsız qoyub:
“Şəxsi həyatım barəsində danışmaq istəmirəm”.
Xatırladaq ki, müğənni Zamiq Hüseynovun bu il noyabrın 20-də Azərbaycan Dövlət Akademik Opera və Balet Teatrında reallaşacaq “Kaman” adlı konsertinə biletlərin qiyməti 10-50 manat arasında olacaq.
Bununla bağlı süjetə noyabrın 18-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva
Muztv.az xəbər verir ki, sənətçi noyabrın 20-də baş tutacaq konserti barədə fikirlərini bölüşüb:
“Hər gün məşq gedir. Əslində, həm çətindir, həm asandır, həm həyəcanlıdır, həm də sevindiricidir. Çünki böyük məsuliyyətdir. Böyük bir orkestrlə konsert vermək mənim uşaqlıq arzum idi. Bu arzuya çatmaq özü böyük bir işdir. Bu mənim üçün sənət dünyamda yenilikdir. Fikirləşirəm ki, nə qədər məsuliyyətli və həyəcanlı olsa da, bunun öhdəsindən yaxşı gəlməliyəm. Ona görə də hər gün məşq edirik ki, hər şey daha da yaxşı olsun”.
Zamiq konserti ilə bağlı repertuarını da açıqlayıb:
“Konsertdəki repertuarıma klassik, retro musiqilərimiz, bəstəkar mahnıları daxildir. Konsertimdə öz mahnılarımdan “Sən necə də gözəlsən” və mərhum sənətkar İlhamə Quliyevanın repertuarından ifa etdiyim “Kaman” mahnısı da yer alacaq. İtalyan musiqisi də səsləndirəcəm. Sırf simfonik orkestlə ifa edəcəm, onlara yaraşacaq mahnılar səsləndirəcəm”.
Üç-dörd aydan sonra Heydər Əliyev sarayında yenidən konserti gözlənilən ifaçı 2 gün sonra baş tutacaq özəl gününə heç bir sənət dostunu dəvət etmədiyini bildirib:
“Konsertimə heç kimi dəvət etməmişəm. Əslində, bu konsertim çox qısa zamanda planlaşdırıldı. Heç kimə əziyyət vermək istəmirəm. Həmişə konsertlərimdə bütün sənət yoldaşlarım iştirak ediblər. Bundan sonrakında da olacaqlar. Hardasa 3-4 aydan sonra Heydər Əliyev Sarayında konsertim olacaq. İstəmirəm hər iki konsertimdə dostlarıma əziyyət verim. Hər kəsi gələn konsertimə dəvət edəcəm. Ancaq solo ifalarım yer alacaq. Konsertin müddəti isə 1 saat yarım olar”.
Zamiq Əməkdar Artist və yaxın dostu Röya Ayxan ilə münasibətlərindən də söz açıb:
“Hamı ilə münasibətim yaxşıdır. Sadəcə olaraq son vaxtlar başım daha çox öz işlərimə qarışıb. Mütəmadi olaraq görüşürük, deyib-gülürük. Heç bir küsülülük yoxdur”.
Sənətçi şəxsi həyatı ilə bağlı ona ünvanlanan sualları cavabsız qoyub:
“Şəxsi həyatım barəsində danışmaq istəmirəm”.
Xatırladaq ki, müğənni Zamiq Hüseynovun bu il noyabrın 20-də Azərbaycan Dövlət Akademik Opera və Balet Teatrında reallaşacaq “Kaman” adlı konsertinə biletlərin qiyməti 10-50 manat arasında olacaq.
Bununla bağlı süjetə noyabrın 18-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz.
Lamiyə Balacayeva