Məşhur aktyoru dənizə atdılar
Amerikalı müğənni Taylor Svift qorxularından danışıb. 23 yaşlı sənətçi adını “Google”-da axtarmaqdan qorxduğunu bildirib. O, “Kimsə haqqımda pis şərh yazsa, mənə təsir edər.
Amerikalı müğənni Taylor Svift qorxularından danışıb. 23 yaşlı sənətçi adını “Google”-da axtarmaqdan qorxduğunu bildirib. O, “Kimsə haqqımda pis şərh yazsa, mənə təsir edər. Əgər adınızı “Google”-da axtarsanız, özünüzə olan güvəniniz anında yox olar” deyib. Sviftin digər qorxuları arasında dəniz şabalıdı və həbs var.
Tanınmış modelyer Burak Kaynarın bir moda evi üçün kataloq çəkilişləri Bursa şəhərindəki otellərdən birində baş tutub. Layihədə məşhur müğənni Rafet El Romanın nişanlısı Ceren Kaplakarslan da iştirak edib. Əyninə ağ gəlinlik geyən Cerenin həmin anlarını əbədiləşdirmək üçün Rafet özü fotolar çəkib. Nişanlısını məmnun etmək üçün müğənni hətta yerə uzanaraq, uğurlu kadrlar tutmağa çalışıb. Çəkilişlərdən sonra açıqlama verən Rafet El Roman: “Ceren üçün şəkil çəkmək konsert verməkdən daha çətindir”- deyib.
İsveçrənin Sürix şəhərində maraqlı hadisə baş verib. Amerikanın tanınmış qaradərili teleaparıcısı Opra Uinfri şəhərin mərkəzindəki dükanlardan birində alış –veriş zamanı təhqir olunduğunu bəyan edib. O, satıcıdan 37, 8 min dollarlıq çantanı göstərərək, ona baxmaq istədiyini bildirib. Satıcı isə saymazyana şəkildə: «Sənin ona pulun çatmaz»- deyib. O, alıcıya başqa ucuz mal təklif edib. Uinfri baş verən hadisəni Nyu-Yorkda irqçilik illərindəki hadisələrlə eyniləşdirib. Dünyanın informasiya vasitələri bunu «irqçi davranış» kimi yayıb.
Türkiyədə bir vaxtlar məşhur olan “Öyle bir geçer zaman ki” adlı serialın aktyorunu dənizə atıblar. Məlumata görə, serialda “Ali Kaptan” obrazısını canlandıran Erkan Petekkaya gecə iki cangüdəni ilə Datça Limanında bir bara gedib. Məkanın cangüdənləri 30 yaşlı B.A. və 25 yaşlı U.T. bir qadına söz atdıqdan sonra müştərilərlə mübahisə yaranıb. Mübahisə böyüdükdən sonra tərəflər çölə çıxıblar. Cangüdənlərdən biri “kəpənək” kimi tanınan bıçağı çıxarıb. Bu zaman araya girən Erkan Petekkaya davanı yatırtmağa çalışıb, amma qəzəbli qrup aktyoru dənizə atıb. Polis gəldikdən sonra aktyor dənizdən çıxarılıb. Erkan Petekkaya heç kimdən şikayətçi olmadığını bildirib.
Sahilə Aslanova
Muz-Tv.az