"Məşhur insanlar kütləni qıcıqlandırır" – müğənnidən MUZ TV Azərbaycan-a özəl - foto
Azərbaycanın “Eurovision 2011” mahnı müsabiqəsinin qalibi Eldar Qasımov MUZ TV Azərbaycan kanalına özəl açıqlamalar verib.
Muztv.az xəbər verir ki, poliqlot sənətçi bir müddət əvvəl Qazaxıstanın Oral şəhərində iştirak etdiyi xeyriyyə konsertindən söz açıb:
“Qazaxıstanda böyük bir xeyriyyə konserti keçirilmişdi. Bir neçə ay öncə buna görə dəvətnamə almışdım. Ümumiyyətlə, belə tədbirlərdə böyük məmnuniyyətlə iştirak edirəm. Təki belə tədbirlərə çox pul ayrılsın. Hətta bu il Amerika, Almaniya, Fransadan Qazaxıstanın Oral şəhərinə gəliblər ki, tədbirdə iştirak etsinlər. Rəqs etsinlər. Məncə bununla gələcəyin Asiya-Vyana rəqs balına oxşayacaq bir layihəyə qədəm qoyulur. Ümid edirəm ki, gələcəkdə dünyanı sirkələyəcək problemlərə də maddi vəsait ayrılacaq. Buna görə xeyriyyə aksiyaları keçiriləcək”.
Eldar bəstəkar-müğənni Murad Arifin mətbuatda “Frik” anlayışı yaratmaq təklifinə də münasibət bildirib:
“Məncə elə bizdə əksəriyyəti “frik”dir. Əksər məşhur insanlar kütləni qıcıqlandırır. Onda belə çıxır ki, onların hamısını “frik” adlandıraq? Amma bir şey də var. Mən, ümumiyyətlə, süniliyə qarşıyam. Sünilik göstərmək lazım deyil. Əgər sünilik ilə hansısa bir insanı “frik” etsək, bu heç kimə də lazım deyil. Düşünürəm ki, bu brendi yaratmaq uğurlu alınmayacaq. Bu, sadəcə qıcıqlandırıcı bir insan olacaq. Hər kəs öz yerini tapmalıdır. Müğənni öz karyerası ilə məşğul olmalıdır. Əfsuslar olsun ki, əksər insanlar öz yerlərində deyillər”.
Bundan əlavə, Eldar Qasımov Azərbaycanı 2018-ci ildə “Eurovison”da təmsil edəcək müğənni Aysel Məmmədova haqqında fikirlərini də bölüşüb:
“Düşünürəm ki, Aysel çox istedadlı bir qızdır. Biz onunla son zamanlar daha da yaxın dost olmuşuq. Hətta sonuncu mahnım üzərində də biz onunla bir yerdə işləmişdik. İnşallah həmin mahnı tezliklə işıq üzü görəcək. Ayseli təbrik edirəm, ona uğurlar arzulayıram. İstərdim ki, onun gözəl istedadını düzgün istiqamətləndirsinlər. Bu da təbii ki, komandadan, onunla işləyən insanlardan aslıdır. Aysel qalib gələ bilər. Çünki Ayselin musiqiyə xüsusi yanaşması var. O, kütləni əldə edə biləcək. Hətta bu belə şərt deyil ki, kütləni toplaya biləsən. Əgər sən keyfiyyətli iş təqdim edirsənsə, kütlə özü sənin ətrafına gələcək. Hər şeyi ürəkdən etməlisən ki, qazanasan. Qoy səni 5 nəfər sevsin, amma o sevənlərin özünün olsun. Bacarmaq lazımdır ki, kütləni öz ardınca apara biləsən. Səni sevənlərin sənətinə baxıb öz daxili dünyalarını dəyişməlidirlər. Bu, artıq sənət adamı üçün bir qalibiyyətdir, qələbədir. Sənət, incəsənət mütləqdir ki, insanın qəlbinə səyahət etsin. İncəsənət nazik bir istiqamətdir. Əminəm ki, Aysel özünü çox gözəl göstərəcək. O, həm də musiqiçidir. Təsəvvür edirəm ki, o piano arxasında öz mahnısını ifa edir, harmonik olaraq görsənəcək”.
Xatırladaq ki, müğənni Eldar Qasımov bu yaxınlarda yeni mahnısını sevənlərinə təqdim edəcək.
Bununla bağlı süjetə noyabrın 20-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva
Muztv.az xəbər verir ki, poliqlot sənətçi bir müddət əvvəl Qazaxıstanın Oral şəhərində iştirak etdiyi xeyriyyə konsertindən söz açıb:
“Qazaxıstanda böyük bir xeyriyyə konserti keçirilmişdi. Bir neçə ay öncə buna görə dəvətnamə almışdım. Ümumiyyətlə, belə tədbirlərdə böyük məmnuniyyətlə iştirak edirəm. Təki belə tədbirlərə çox pul ayrılsın. Hətta bu il Amerika, Almaniya, Fransadan Qazaxıstanın Oral şəhərinə gəliblər ki, tədbirdə iştirak etsinlər. Rəqs etsinlər. Məncə bununla gələcəyin Asiya-Vyana rəqs balına oxşayacaq bir layihəyə qədəm qoyulur. Ümid edirəm ki, gələcəkdə dünyanı sirkələyəcək problemlərə də maddi vəsait ayrılacaq. Buna görə xeyriyyə aksiyaları keçiriləcək”.
Eldar bəstəkar-müğənni Murad Arifin mətbuatda “Frik” anlayışı yaratmaq təklifinə də münasibət bildirib:
“Məncə elə bizdə əksəriyyəti “frik”dir. Əksər məşhur insanlar kütləni qıcıqlandırır. Onda belə çıxır ki, onların hamısını “frik” adlandıraq? Amma bir şey də var. Mən, ümumiyyətlə, süniliyə qarşıyam. Sünilik göstərmək lazım deyil. Əgər sünilik ilə hansısa bir insanı “frik” etsək, bu heç kimə də lazım deyil. Düşünürəm ki, bu brendi yaratmaq uğurlu alınmayacaq. Bu, sadəcə qıcıqlandırıcı bir insan olacaq. Hər kəs öz yerini tapmalıdır. Müğənni öz karyerası ilə məşğul olmalıdır. Əfsuslar olsun ki, əksər insanlar öz yerlərində deyillər”.
Bundan əlavə, Eldar Qasımov Azərbaycanı 2018-ci ildə “Eurovison”da təmsil edəcək müğənni Aysel Məmmədova haqqında fikirlərini də bölüşüb:
“Düşünürəm ki, Aysel çox istedadlı bir qızdır. Biz onunla son zamanlar daha da yaxın dost olmuşuq. Hətta sonuncu mahnım üzərində də biz onunla bir yerdə işləmişdik. İnşallah həmin mahnı tezliklə işıq üzü görəcək. Ayseli təbrik edirəm, ona uğurlar arzulayıram. İstərdim ki, onun gözəl istedadını düzgün istiqamətləndirsinlər. Bu da təbii ki, komandadan, onunla işləyən insanlardan aslıdır. Aysel qalib gələ bilər. Çünki Ayselin musiqiyə xüsusi yanaşması var. O, kütləni əldə edə biləcək. Hətta bu belə şərt deyil ki, kütləni toplaya biləsən. Əgər sən keyfiyyətli iş təqdim edirsənsə, kütlə özü sənin ətrafına gələcək. Hər şeyi ürəkdən etməlisən ki, qazanasan. Qoy səni 5 nəfər sevsin, amma o sevənlərin özünün olsun. Bacarmaq lazımdır ki, kütləni öz ardınca apara biləsən. Səni sevənlərin sənətinə baxıb öz daxili dünyalarını dəyişməlidirlər. Bu, artıq sənət adamı üçün bir qalibiyyətdir, qələbədir. Sənət, incəsənət mütləqdir ki, insanın qəlbinə səyahət etsin. İncəsənət nazik bir istiqamətdir. Əminəm ki, Aysel özünü çox gözəl göstərəcək. O, həm də musiqiçidir. Təsəvvür edirəm ki, o piano arxasında öz mahnısını ifa edir, harmonik olaraq görsənəcək”.
Xatırladaq ki, müğənni Eldar Qasımov bu yaxınlarda yeni mahnısını sevənlərinə təqdim edəcək.
Bununla bağlı süjetə noyabrın 20-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva