Tolik: “Mən artıq taclı prodüserəm”

Xalq artisti Aygün Kazımova reklam çarxlarının birinə çəkilib. Sənətçi çarxda çəkilən zaman lentə alınan şəkillərini sosial şəbəkədə paylaşıb. 

   Xalq artisti Aygün Kazımova reklam çarxlarının birinə çəkilib. Sənətçi çarxda çəkilən zaman lentə alınan şəkillərini sosial şəbəkədə paylaşıb. Görüntülərdə cazibədar pozlar verən xalq artisti hətta fotokameraya dil də çıxarıb.

   Mahnıları ilə böyükdən kiçiyə hər kəsin ürəyinə yol tapmağı bacaran sevimli müğənnimiz Röyadan xəbər var. Belə ki, müğənninin yeni hiti çox yaxın zamanda tamaşaçıların və dinləyicilərin istifadəsinə veriləcək. Bu barədə ulduzun yaxın dostu Abbas Bağırov öz instaqram səhifəsində açıqlama verib. Röyanı yeni mahnısına görə təbrik edərək: “ Röya, təbrik edirəm. Super ifadı. Çox bəyəndim”-deyə fikirlər bildirib. Qeyd edək ki, Röyanın yeni musiqisi “Mənəm” adlanır, müəllifi isə Nailə Mirməmmədlidir.

   Müğənni Zamiq Hüseynov özünün bəstələdiyi mahnıya klip çəkdirib. Zamiqin yeni mahnısı  “O” adlanır. Bəstənin sözləri Sami Oruca məxsusdur. Yay ab-havasında olan mahnıya ekran həyatını rejissor Rza Əsgərov verib. Klipin prodüsseri və stilisti Elnur Həsənovdur. Qeyd edək ki, “O” klipinə Zamiq üç gözəl və cazibəli xanımların əhatəsində çəkilib.

   Daim qalmaqallarla gündəmə gələn Tolik ləqəbli prodüser Tarix Əliyev yeni titulundan danışıb. Belə ki, Tolik, İnstagram səhifəsində paylaşdığı video-çarxda  xalq artisti İlhamə Quliyevanın ona yeni titul verdiyini bildirib:“Əziz İnstagram dostlarım, sizə eksklüziv xəbər verirəm. Bu gündən İlhamə xanım mənə təzə ad verib. Mən artıq taclı prodüserəm”. Qeyd edək ki, daha sonra Tolik başına daş-qaşlarla bəzədilmiş aksesuar qoyub.

 

Fuad Məmmədov

 

Muz-Tv.az