Türkiyəli sənətçi Rəşid Behbudov adına Dövlət Mahnı Teatrında konsert verdi

Rəşid Behbudov adına Dövlət Mahnı Teatrı daha bir möhtəşəm tədbirə ev sahibliyi edib. 

    Rəşid Behbudov adına Dövlət Mahnı Teatrı daha bir möhtəşəm tədbirə ev sahibliyi edib. Bu dəfə “Avrasiya Beynəlxalq Araşdırmalar İnstitutu” İctimai Birliyinin dəvəti ilə ölkəmizə gəlmiş tanınmış türkiyəli müğənni Halil Başkal Azərbaycan tamaşaçılarının qarşısına çıxıb.

    Qənirə Paşayevanın da iştirak etdiyi tədbiri ilk olaraq elə millət vəkili özü açıb.

Qənirə xanımın dəvəti ilə səhnədəki yerini alan ifaçı Halil Başkal  Azərbaycan-Türkiyə dostluğundan ağız dolusu danışaraq mahnılarını təqdim edib.

    Daha sonra səhnəyə əməkdar artistlər Elza Seyidcahan və Aybəniz Haşımova çıxaraq tamaşaçıları coşdurub.Tədbirin sonunda sənətçilərin birlikdə ifası da qonaqların xüsusi marağına səbəb olaraq alqışlarla qarşılanıb.

    Sonda “Muz life”- a müsahibə verən sənətçilər tədbirin önəmindən danışıblar. Qeyd edək ki, sənətçilər belə tədbirlərin davamlı olacağına söz veriblər.

 

Səma Ələsgərova

Vüsal Həşimov

 

Muz-Tv.az