Faiq Ağayev pərəstişkarlarını sevindirdi

Müğənni Ayan Babakişiyevanın vəd etdiyi duetin studiyada hazırlıq prosesi başlayıb. Repertuarına tez-tez yeni mahnılar daxil edən...

   Müğənni Ayan Babakişiyevanın vəd etdiyi duetin studiyada hazırlıq prosesi başlayıb. Repertuarına tez-tez yeni mahnılar daxil edən sənətçinin duet ortağı müğənni Nadir Qafarzadədir. İki tanınmış simanın birgə əməkdaşlığının məhsulu olan əsər “Sənin üçün” adlanır. Müəllifi meyxanaçı Samir olan duet tezliklə dinləyicilərə təqdim ediləcək.

    Bir müddət əvvəl “Facebook”-dakı profilini bağlayan xalq artisti Faiq Ağayev yenidən sosial şəbəkəyə qayıdıb. Bir həftədən artıq virtual həyatdan uzaq qalan müğənni bu addımının səbəbini gizli saxlayıb. Xalq artistinin yenidən “Facebook”-a qayıtmasına ən çox sevinənlər isə onun pərəstişkarları olub. Hər kəsə diqqətinə görə təşəkkür edən Faiq Ağayev bu sözləri yazıb: “Əziz, mehriban, qayğıkeş dostlar... Mənə ünvanladığınız xoş, dəyərli sözlərə görə, hamınıza minnətdaram. Nə xoş ki, varsınız. Salam. Sizin 100 % F.A.”.

    Əməkdar artist Ədalət Şükürov “Pontiac” markalı avtomobilinin fotolarını sosial şəbəkədə paylaşıb. Sənətçinin sarı rəngli maşınının şəkillərini təqdim edir.

    Şou-biznesin fəal müğənnilərindən biri hesab olunan Günay İbrahimli mütəmadi olaraq şəxsi facebook səhifəsində yeni fotolarını paylaşır. Sənətçi bu dəfə konsert zamanı onun adı yazılan böyük gül dəstəsinin şəklini paylaşıb və fotoya: “Dünənki hədiyyəm” – deyə şərh yazıb.  Deyilənə görə, bu gül dəstəsi müğənniyə xeyli müddətdir ona sevgisini etiraf edən pərəstişkarı tərəfindən verilib.  Günay isə hələ ki qarşı tərəfə cavab vermək barəsində tərəddüd edir. 

 

Səma Ələsgərova

 

Muz-Tv.az