Gənclər Emin Sabitoğlunun əsərlərini ifa etdilər - MUZ TV Azərbaycan-a həyəcanlarını bölüşdülər

Tanınmış Azərbaycan bəstəkarı, Xalq Artisti Emin Sabitoğlunun yaradıcılığına həsr olunmuş “Gün keçdi” adlı tədbir keçirilib.

Muztv.az xəbər verir ki, musiqili gecədə Rilaya Hüseynzadə, Zülfü Əsədzadə, Orxan Cəlilov kimi bir çox gənc ifaçılar iştirak ediblər.

Caz ifaçısı Rilaya Hüseynzadə tədbirdən öncə MUZ TV Azərbaycan kanalına həyəcanını dilə gətirib:

“Böyük məmnuniyyətlə bu konsertdə iştirak edəcəyəm. Necə gözəl mahnılar yazdığının şahidi olacaqsınız. Konsert zamanı “Bağışla”, “Bir axşam taksidə”, “Çiçək yağışı” adlı mahnıları səsləndirəcəyəm”.

Gənc ifaçı Orxan Cəlilov isə tədbirə uzun müddətdir hazırlaşdığını deyib:

“Belə layihələrin daha çox olmasını arzu edirik. Azərbaycan bəstəkarları musiqimizdə böyük iz qoyub. Emin Sabitoğlunun sevilən əsələrini səsləndirəcəyik”.

İfaçı Zülfü Əsədzadə dahi bəstəkarların unudulmadığını dilə gətirib:

“Görkəmli bəstəkarları yad etmək bizim borcumuzdur. Burada olmaq mənim üçün fəxrdir”.

Gecədə gənc ifaçılar görkəmli bəstəkarın sevilən əsərlərini səsləndiriblər.

Bununla bağlı süjetə noyabrın 23-də saat 19:00-da MUZ TV Azərbaycan kanalında efirə gedəcək "Muz Life" verilişində baxa bilərsiniz. 

Günel Əliyeva