Röya ilin sonunda Bakıda möhtəşəm konsert verecək

Röya Ayxandan xəbərimiz var. Belə ki, müğənnin prodüseri Kənan Bayramov onun artıq video çarx çəkilişlərini bitirdiyini bildirib: “Artıq iki 

    Röya Ayxandan xəbərimiz var. Belə ki, müğənnin prodüseri Kənan Bayramov onun artıq video çarx çəkilişlərini bitirdiyini bildirib: “Artıq iki klip çəkilişi bitib. Bir türk mahnısı olan “Gəmiciler”ə, bir də Azərbaycan mahnısına. Ekran işləri tezliklə tamaşaçılara təqdim olunacaq. Əminik ki, bu kliplər də Röyanın pərəstişkarları tərəfindən bəyəniləcək”.  O, müğənninin konsert vermək istəyindən də danışıb: “Hər sənətçi kimi Röya da konsert vermək istəyir. İnşallah qismət olsa, müğənni dekabrda möhtəşəm konsert proqramı ilə çıxış edəcək ”.

    Maestro Ceyhun “Can-Can” adlı mahnı bəstələyib.Ceyhun adı çəkilən mahnının hazırda hit olan bütün bəstələri kölgədə qoyacağını deyib. O, hətta yeni bəstəsinin həmkarı Nadir Qafarzadənin dillərdən düşməyən “Maral” mahnısındanda üstün olduğunu iddia edib: “Mahnı üzərində on gün gecə-gündüz çalışdıq. Canlı alətlərdən istifadə etdik. Çox maraqlı alınıb, hit olacağına əminəm. Hətta Nadirin “Maral”-ı və bir çox indi gündəmdə “mənəm-mənəm” deyən mahnılar gedib, istirahət etsin. Mənim bəstəm onu kölgədə qoyacaq. “Can-can” musiqisi çox möhtəşəmdir”. Bu yayı Türkiyədə, Gürcüstanda və bağ evində istirahət etməklə keçirən skripkaçı payıza yeni layihələr hazırlayır.

     İfaçı Dilarə Kazımova jurnallardan birinə verdiyi müsahibəsində əsl qurman olduğunu deyib: “Yeməyi çox sevirəm. Mən həmişə acam. Dostlarımdan soruşsanız, onlar da təsdiqləyər ki, Dilarə daim yemək istəyir. Ən çox da düşbərə və spagettini xoşlayıram. Fərqli yeməklər dadmaq istəyirəm, həmişə axtarışdayam. Mənim üçün yemək özü bir sənət əsəridir. Amma yemək bişirə bilmirəm, heç həvəsim də yoxdur.   Nə vaxtsa restoran açmaq istəyirəm. Orada elə yeməklər bişəcək ki, heç kim dadından doymayacaq”.

     Ailə həyatı qurub sənətdən uzaqlaşan Safura yalnız sosial şəbəkə vasitəsilə fanlarına yeni fotolarını təqdim edir. Gün ərzində gəzib dolaşdığı yerləri, hətta, yeyib-içdiyi zaman çəkdirdiyi şəkilləri də öz səhifəsində paylaşır.

 

 Fuad Məmmədov

 

Muz-Tv.az