Primadonna doğum gününü qeyd edir

Azərbaycanın və Dağıstanın xalq artisti, müğənni  İlhamə Quliyevanın da doğum günüdür. Müğənni Tükəzban İsmayılovanın qızı olan İlhamə 

    Azərbaycanın və Dağıstanın xalq artisti, müğənni  İlhamə Quliyevanın da doğum günüdür. Müğənni Tükəzban İsmayılovanın qızı olan İlhamə Quliyeva 1943-cü il avqustun 17-də dünyaya gəlib. Sənətkar 1964-cü ildə Azərbaycan Dövlət Universitetini bitirib. 1965-1970-ci illərdə Azərbərbaycan Dövlət Teleradio Verilişləri Şirkəti Estrada Orkestrinin, 1970-1980-ci illərdə Azərbaycan Dövlət Filarmoniyasının solisti olub. 1980-ci ildən Azərbaycan Dövlət Qastrol-Konsert Birliyinin solistidir. Repertuarına Azərbaycan və əcnəbi bəstəkarlarının əsərləri daxildir. Bir sıra xarici ölkələrdə qastrolda olub.

    İlhamə Quliyeva XX əsrin 80-cı illərində qısa müddətli ailə həyatı qurub. Çox qısa sürən bu evlilik zamanı o, hətta həyat yoldaşının soyadını – Mirmöhsünova soyadını daşıyıb. İlhamə xanımın həyat yoldaşı isə Faiq Mirmöhsünov olub. Lakin İ.Quliyeva qısa müddətdən sonra bu evliliyə son qoyub, yenidən Quliyeva soyadına qayıdıb.

    Bu il 70 yaşını qeyd edən İlhamə Quliyeva avqustun 15-də “Şərəf” ordeni ilə təltif olunub. Biz də xalq artistimizə “Muz life” adından uzun ömür, can sağlığı arzulayırıq.

 

Sahilə Aslanova

 

Muz-Tv.az