Məşhur cütlük tətildə
Türkiyəli aktrisa Tuba Büyüküstün həyat yoldaşı Onur Saylakla birlikdə Bodrumda istirahət edir.
Türkiyəli aktrisa Tuba Büyüküstün həyat yoldaşı Onur Saylakla birlikdə Bodrumda istirahət edir. Beşulduzlu oteldə dincələn cütlük paparatsilərin fotokamerasına tuş gəlib. Tuba və Onurun istirahət şəkillərini təqdim edirik.
Məşhur model Naomi Kempl rusiyalı milyarder sevgilisi Vladislav Doronini unutmaq üçün bütün gününü istirahətə həsr edib. İbiza adasına yollanan ulduz dizayner Roberto Kavallinin yaxtasında dincəlir. Paparatsilərin fotokamerasına tuş gələn Naominin arıqladığı, özünə daha çox fikir verdiyi diqqətdən qaçmayıb. Modelin dostları mediaya onun Doronindən ayrıldıqdan sonra daha gözəl görünməyə çalışdığını deyiblər. Hər gün idmanla məşğul olub, pəhriz saxlayan Kempl depressiyaya düşmədiyini sübut etməyə çalışır.
Türkiyəli aktyor Kıvanç Tatlıtuğ “Qalatasaray” klubunun oyunçusu Uesli Sneyder və həyat yoldaşı Yolanta Kabauyla görüşüb. Yolanta restoranda yemək zamanı çəkilən fotoları sosial şəbəkədə paylaşıb. Şəkillər insanlar tərəfindən birmənalı qarşılanmayıb. Belə ki, sosial şəbəkə istifadəçiləri fotoların altından Kıvança zarafatyana rəylər yazıblar: “ “Aşkı-Məmnu”-da “Bihtər”-in, “Kuzey Güney”də “Cəmrə”-nin ağlını aldın. Yolantanı sənə vermərik, Kıvanç. Uesley onunla Kıvançı bir araya gətirməkdə böyük səhv edib”
“Forbes” jurnalı ən çox gəlir əldə edən aktrisaların adını açıqlayıb. Siyahının ilk pilləsində Ancelina Coli qərarlaşıb. Ötən ilin iyun ayından bu ilin iyun ayınadək Coli 33 milyon dollar gəlir əldə edib. Aktrisa qazandığı ümumi məbləğin 15 milyon dollarını təkcə "Malefisent" filmindəki roluna görə alıb. Siyahının ikinci pilləsində Cennifer Lourens qərarlaşıb. Aktrisa bir il ərzində 26 milyon dollar qonorar əldə edib. Lourens bu il həm də "Mənim oğlanım psixdir" filminə görə "Oskar" da qazanıb.
Amerikanın məşhur aktrisası Kristen Stüart bu il universitetə daxil olub. Sevgilisi Robert Pattinsondan ayrılan 23 yaşlı aktrisa gələcəyi barədə ciddi düşünməyə başlayıb. Kristen Los Anceles universitetində ingilis ədəbiyyatı oxuyacaq. Aktrisaya yaxın mənbə bildirib ki, o heç də bununla karyerasına son vermək fikrində deyil. Belə ki, çəkilişlər zamanı o, qiyabi təhsil alacaq.
Sahilə Aslanova
Muz-Tv.az