Maestro Niyazinin doğum günüdür
Bu gün Maestro Niyazinin doğum günüdür. Azərbaycanın xalq artisti Niyazi Zülfüqar oğlu Tağızadə - Hacıbəyov 1912-ci il avqustun 20-də Tiflis şəhərində dövrünün tanınmış...
Bu gün Maestro Niyazinin doğum günüdür. Azərbaycanın xalq artisti Niyazi Zülfüqar oğlu Tağızadə - Hacıbəyov 1912-ci il avqustun 20-də Tiflis şəhərində dövrünün tanınmış bəstəkarı Zülfüqar Hacıbəyovun ailəsində anadan olub. Çox kiçik yaşlarından ətrafında məşhur xanəndələr görən Niyazidə də musiqiyə böyük maraq oyanır. O, ilk təhsilini Bakı Musiqi Texnikumunda alır, daha sonra təhsilini davam etdirmək üçün Moskva və Leninqradşəhərlərinə gedib. SSRİ xalq artisti, Sosialist Əməyi Qəhrəmanı, SSRİ Dövlət Mükafatı laureatı, Azərbaycan Lenin komsomolu laureatı, Beynəlxalq Nehru mükafatı laureatıdır. Niyazinin ifaçılıq fəaliyyəti daha çox Opera və Balet Teatrı ilə bağlıdır. O, 1979-cu ildən filarmoniyanın direktoru vəzifəsində çalışıb. "Xosrov və Şirin" operasının,"Çitra" baletinin, "Zaqatala süitası", "Qaytağı", "Konsert valsı" simfonik əsərlərinin, "Rast" simfonik müğamının "1920-ci ildə" opera-kantatasının, simfonik orkestr üçün "Rəqs suitası"nın, Hindistan yazıçısı Rabindranat Taqorun əsərləri əsasında yaratdığı "Çitra" baletininin və sairə musiqi əsərlərinin müəllifidir.
Müğənni İlhamə Qasımova günahlarını etiraf edib. O, özünü dünyanın ən günahkar insanı saydığını deyib: “Günahın böyüyü, kiçiyi yoxdur. Bilirəm ki, onsuzda o dünyada bütün günahlarıma görə cavab verəcəm. Elə bu dünyada da günahlarımın cəzasını çəkirəm. Bir dəfə həyat yoldaşıma acıqlı cavab verdim, pilləkəndən düşəndə ayağım sürüşdü, necə yıxıldımsa. Ümumiyyətlə, başıma pis iş gələndə oturub fikir çəkmirəm ki; “Ay Allah, niyə belə elədin?”. Həmişə deyirəm ki, “şükür ki, belə oldu”. Özümü ən günahkar insan hesab edirəm. Çünki bir vaxtlar namaz qılıb, yarımçıq kəsmişəm”.
Müğənni Natavan Həbibi “Xatirə dəftəri” adlı yeni mahnısını təqdim etməyə hazırlaşır.Sənətçi bu bəstəni repçi Toni ilə duet şəklində ifa edib.“Xatirə dəftəri”-nin sözləri repçiyə, musiqisi isə Fərid İsmayılova məxsusdur. Müğənni mahnını kliplə birlikdə sentyabrda təqdim edəcək.
“Bu şəhərdə” komandasının aktyorları yeni konsertlərinin hazırlıqlarına başlayıb.“isti Rahət” adlanan tamaşa noyabrın 5, 6, 7, 8, 9-da Heydər Əliyev Sarayında baş tutacaq. Ssenarist Müşviq Abbasov, aktyorlar Rəfael İsgəndərov və Coşqun Rəhimov bu dəfə tam fərqli tamaşa nümayiş etdirəcək. Onlar yeni ssenarilər yazdıqlarını və ehtiyac olduğu təqdirdə tamaşanın gününü artıracaqlarını bildiriblər.
Parisdə olan bəstəkar və teleaparıcı Murad Arif İnqridin konsertində iştirak edib. Tanınmış kosmetika firmasının təşkilatçılığı ilə Fransada olan həmyerlimiz İnqridin ifasından sonra əlindəki Azərbaycan bayrağını ona verib. Ulduz da bayrağı alıb. Daha sonra teleaparıcı İnqrid ilə “La Trompette” mahnısını birgə ifa edib.
Sərvər Mehdiyev
Muz-Tv.az