Castin Biber Maykl Ceksonun fanatlarını qəzəbləndirdi

Musiqi dünyasında hazırda ən çox müzakirə edilən Castin Biberin yeni sinqli “Slave 2 The Rhythm”-dir. Belə ki, kanadalı müğənni iddia edir ki, mahnını müəllif Maykl Ceksonla

   Musiqi dünyasında hazırda ən çox müzakirə edilən Castin Biberin yeni sinqli “Slave 2 The Rhythm”-dir. Belə ki, kanadalı müğənni iddia edir ki, mahnını müəllif Maykl Ceksonla birlikdə yazıb. Lakin, görünür ki, Biber pop kralın son bəstəsi üzərində, demək olar ki işləməyib. O, əsasən Ceksonun səsini heç vaxt yayımlanmamış sinqldən götürərək sadəcə bir neçə bənd ifa edib və bütün bunlara da müasir “dubstep” janrını əlavə edib. Maykl bu mahnını 2009-cu ildə ölümündən bir müddət əvvəl yazıb. Bundan başqa deyilənə görə, Biber Maykl Ceksonun Kaliforniyadakı evini də almaq istəyir. O, dəfələrlə deyib ki pop kralın ən böyük fanatlarındandır. 

   Məşhur ingiltərəli aktrisa və model Kelli Bruk ətir brendlərindən birinin Amerikadakı düşərgəsinə göndərmək üçün üç türk gəncini seçmək məqsədilə İstanbula gəlib. Kelli media işçilərinin “Türkiyədən hansı aktyorlarla əməkdaşlıq etmək istərdiniz” sualına “Məşhur və yaraşıqlı olduğu üçün Kıvanç Tatlıtuğ ola bilər. Hamı onun şəklini göstərir. Amma səhv anlaşılmasın. Onun sevgilisi var, başımı bəlaya salmayın. Biz yalnız işlə bağlı bir araya gələ bilərik” - cavabını verib.

   Bir müddət əvvəl “tükənmişlik sindromu” diaqnozu ilə Türkiyəni tərk edib vətəni Almaniyaya qayıdan Məryəm Uzərli 4 aylıq hamilədir. Bu barədə köşə yazarı Ayşə Arman bildirib. Arman Məryəmlə görüşərək onun Türkiyədə keçirdiyi 3 ili, “Möhtəşəm Yüz il”-i və başına gələn hər şeyi öyrənib. “İnanılmaz detallar öyrəndim. O, bizim zənn etdiyimizdən də çox ağır şeylər yaşayıb. Şok içində qaldım. Amma ən əsası, Məryəm hamilədir! Körpəsi təxminən 4 aylıqdır. Saçlarını qısa kəsdirib. Həm xoşbəxt, həm də kədərlidir. Güclü olmağa çalışır. Məryəm “subay ana” olmağa hazırlaşır”. Qeyd edək ki, Məryəm  Uzərli biznesmen sevgilisi Can Atəşdən 3 həftə öncə ayrılıb. Can bəy bir neçə gün bundan əvvəl yeni sevgilisi ilə Kandillidə bir restoranda görülüb.

   Məşhur müğənni Cennifer Lopezin Hamptonsdakı bu evinin qiyməti on milyon dollardır. Sarayları xatırladan imarəti o, əkizləri Emma və Maksın zövü ilə dizayn edib. 8 yataq otağı və 7 hamamı olan evdəki bütün əşyalar açıq rəngdədir.

 

Sahilə Aslanova

 

Muz-Tv.az