“Minik serçe” çimərlik geyimində görüldü

Türkiyəli müğənni Sezen Aksu Bodrumda istirahət edərkən çimərlik geyimində görülüb. Konsertdən sonra sənətçi dostları Eməl Müftüoğlu, Məltəm Cumbul və qızı ilə yaxta...

    Türkiyəli müğənni Sezen Aksu Bodrumda istirahət edərkən çimərlik geyimində görülüb. Konsertdən sonra sənətçi dostları Eməl Müftüoğlu, Məltəm Cumbul və qızı ilə yaxta gəzintisinə çıxan ulduz paparatsilərdən qaça bilməyib. Dənizə girmək istəyən Sezen Aksu çimərlik geyimində görülməmək üçün əlindən gələni edib. Belə ki, cangüdənlər ətrafdakı bütün yaxtaları gəzərək, şəkillərin çəkilmədiyinə əmin olmaq istəyiblər. Ətrafda fotoqraf olmadığını düşünən Aksu bənövşəyi libasla dənizə girib. Qısa zaman sonra jurnalistləri görən müğənni cangüdənlərinin köməyi ilə sudan çıxıb.

   “Forbes” jurnalı 2013-cü ildə dünyanın ən çox qazanan modellərinin adlarını açıqlayıb. Siyahıda birinci sırada braziliyalı Gizel Bündhen yer alıb. 7 ildir ilk pillədəki yerini heç kimə verməyən model bu il 42 milyon dollar qazanıb. “Forbes”-in araşdırmasına görə, ikinci sırada dünyanın tanınmış modellərindən olan avstraliyalı Miranda Kerr dayanıb. O, 7,2 milyon dollar gəlir əldə edib. Braziliyalı gözəl Adriana Lima üçüncü olub. Cazibədar model 6 milyon dollar qazanıb.  Amerikalı Keyt Mosun cari il ərzində qazancı isə 5,7 milyon dollar olub.

    Madrid "Real"-ının ulduzu Kriştianu Ronaldunun sevgilisi, supermodel İrina Şeyk yay tətilində Çelyabinskə, qohumlarının yanına gedib. Onun gəlişinə ən çox sevinən nənəsi olub. İra Facebook-da nənəsi ilə şəklini paylaşaraq bu sözləri yazıb: "Mənim bəxtim gətirib ki, dünyanın ən yaxşı iki nənəsinin nəvəsiyəm".  Rusiya mətbuatı supermodelin nənəsi ilə birgə bostandan pomidor da yığdığını yazıb.

    Rihanna modelyerliyə üz tutub. O, yaratdıqlarını öz üzərində sınaqdan keçirməyə qərar verib. Rihanna bunun yaxşı reklam olduğunu bildiyi üçün hazırladığı paltarları geyinərək küçədə gəzməyə çıxır.

 

Sahilə Aslanova

 

Muz-Tv.az