“Türkiyə şou-biznesində bizi qapıdan içəri buraxmazlar” - Niyam MUZ TV Azərbaycan-a belə dedi– foto
Müğənni Niyam Salami media əhlini bir yerə yığaraq “Danışmadan keç” mahnısına çəkilən klipini təqdim edib.
Muztv.az xəbər verir ki, ekran əsərinin rejissoru Əhməd Əlidir. Mahnının sözləri gənc yazar Ulucay Akifə, musiqisi Murad Zeynala, aranjimanı isə Elvin İmanova məxsusdur.
Niyam Salami MUZ TV Azərbaycan-a klipin ərsəyə gəlməsindən danışıb:
“Mahnını Murad Zeynal adlı gənc bəstəkar yazıb. Hətta müğənni Səidə Sultanın son mahnısı da həmin bəstəkara məxsusdur. Mahnıya qulaq asdım, çox bəyəndim. Sözləri Ulucay Akifindir. Gənc bir yazardır. Hərdən mahnının sözlərinə görə irad tuturlar ki, elə bil qarğış eləmişəm. Deyirəm yox həyatı yaşayırıq və belə hadisələrlə də hər birimiz üzbəüz gəlirik. Aranijiman isə Elvin İmanova məxsusdur. İstədiyimi mənə verə bildilər. Klipi isə dostum mənim üçün eksklüziv etdi. Gecə zəng elədi ki, mahnını “Youtube”da tapa bilmirəm, istəyirəm ki, ona klip çəkəm. Bunu onun öz öhdəliyinə buraxdım. Ekran əsərində Orxan Məmmədov və Nunu çəkilib. Süjet xətti yoxdur. Buna musiqi nömrəsi deyərdim. Sadəcə istəmədim ki, mahnının şəkillərlə quru-quru təqdimatını edim. Maraqlı bir şey ərsəyə gətirmək istədim. Özüm də tam izləməmişəm, elə media ilə birgə seyr edəcəm”.
Medianı başına toplayan Niyam yenə də səmimiyyəti ilə seçilib. İfaçı təkcə toy biznesi üçün fəaliyyət göstərməməsindən də ağızdolusu danışıb:
“Elə insanlar var ki, müəllimədir, 250 manat maaş alır. Hardan versin mənim dediyim o qonorarı? Mən istəyirəm ki, canlı ansamblla oxuyum, ansamblım da pul alsın. Toylara da gedək, amma mən təkcə bəy-gəlin üçün oxumuram ki. Bu da düz deyil axı. Bu yanaşma ilə yaşamıram ki, toylara tez-tez düşüm. Onsuz da toy mahnıları da ifa edirik. Toya gedəndə “popuri” də oxuyuruq, başqa mahnılar da. Amma toy mahnılarını efirə gətirib dəb etməmişəm”.
Bundan əlavə, Niyam keçmiş dostu, müğənni Rəhim Rəhimlidən də söz açıb. O, bugünə kimi dəstəyini yalnız Allahdan və ona yaxın olan insanlardan aldığını dilə gətirib:
“Görürəm ki, “popuri” oxuyub radioda həmin mahnını səsləndirirsən. Bəs sən mənə niyə deyirsən ki, efirdə filan mahnını oxuma? Bəs sənin oxuduğun “popuri” radioda niyə səslənir? Özünüz də radioda işləyən diceylərə zəng edib tapşırırsız ki, o mahnını hit edin. Söhbət Rəhim Rəhimlidən gedir. Deyir mən ona kömək etmişəm, biz ona belə dəstək olmuşuq. Allahdan başqası yoxdur. Yadınızdan çıxartmayın ki, heç kim heç kimə havayı heç nəyi etmir. Nə tökərsən aşına, o da çıxar qaşığına. Mənə ancaq Allah, bir də media əhli dəstək olub. Bu sırada bəzi yaxın dostlarım, ailəm də var. Hərdən beziblər saz çalanı çəkməydən, məni çağırıblar efirə. Elə vaxtlar olub ki, görmüşəm ki, başqa müğənnilərdən müsahibə alırlar, mən də kənarda dayanıb baxmışam. Başa düşürdüm ki, mən “platnı” müğənniyəm. Qonorar verib efirə çıxıb yaxşı mahnı oxu, klip çəkdir, pul ver. Belə çıxır ki, acından ölməliydim. Bunu vaxtı ikən etmədim. Vaxtı ilə çox şeyə pulumu dağıtmadım. Mahnıma, klipə, geyimimə xərclədim ki, sizin gözünüzdə normal görünüm.
Niyam Salami tezliklə Türkiyəyə səfər edəcək. Sənətçi bunu yeni layihəsi ilə əlaqədar olduğunu söyləyib. İfaçı özünü Türkiyə şou-biznesində görən həmkarlarına söz atmağı da unutmayıb:
“Düzdür, yeni layihəm Türkiyə ilə əlaqədardır amma müqaviləm var deyə, bu barədə ətraflı danışa bilmirəm. Mən orada sadəcə səhnə alacam. Yalandan nə deyim ki, Türkiyə şou-biznesinə qatılacam?! Mənim Türkiyənin şou-biznesində nə işim var? Guya Türkiyənin şou-biznesində bizi qapıdan içəri buraxacaqlar?! Burdan ora ancaq öz hörmətini qaldırmaq üçün gedə bilərsən ki, getdim ordan kimdənsə mahnı aldım. 7 ay orada olacam. Ancaq vacib işlərim olanda Bakıya gələcəm. Normal bir qonorar qazanmalıyam ki, həyatımı dəyişim. İndidən ətraflı danışmıram ki, birdən alınmaz. Mən də pul qazanmaq istəyirəm, elə bunun da ardınca gedirəm. Mailiyyəni də onlar yatıracaq. Əgər mənim elə pulum olsa, elə burda öz sənətimə xərcləyərəm”.
Xatırladaq ki, Niyam Salami yay aylarında daha maraqlı bir layihəsini sevənlərinə təqdim edəcək.
Bununla bağlı süjetə noyabrın 28-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva
Muztv.az xəbər verir ki, ekran əsərinin rejissoru Əhməd Əlidir. Mahnının sözləri gənc yazar Ulucay Akifə, musiqisi Murad Zeynala, aranjimanı isə Elvin İmanova məxsusdur.
Niyam Salami MUZ TV Azərbaycan-a klipin ərsəyə gəlməsindən danışıb:
“Mahnını Murad Zeynal adlı gənc bəstəkar yazıb. Hətta müğənni Səidə Sultanın son mahnısı da həmin bəstəkara məxsusdur. Mahnıya qulaq asdım, çox bəyəndim. Sözləri Ulucay Akifindir. Gənc bir yazardır. Hərdən mahnının sözlərinə görə irad tuturlar ki, elə bil qarğış eləmişəm. Deyirəm yox həyatı yaşayırıq və belə hadisələrlə də hər birimiz üzbəüz gəlirik. Aranijiman isə Elvin İmanova məxsusdur. İstədiyimi mənə verə bildilər. Klipi isə dostum mənim üçün eksklüziv etdi. Gecə zəng elədi ki, mahnını “Youtube”da tapa bilmirəm, istəyirəm ki, ona klip çəkəm. Bunu onun öz öhdəliyinə buraxdım. Ekran əsərində Orxan Məmmədov və Nunu çəkilib. Süjet xətti yoxdur. Buna musiqi nömrəsi deyərdim. Sadəcə istəmədim ki, mahnının şəkillərlə quru-quru təqdimatını edim. Maraqlı bir şey ərsəyə gətirmək istədim. Özüm də tam izləməmişəm, elə media ilə birgə seyr edəcəm”.
Medianı başına toplayan Niyam yenə də səmimiyyəti ilə seçilib. İfaçı təkcə toy biznesi üçün fəaliyyət göstərməməsindən də ağızdolusu danışıb:
“Elə insanlar var ki, müəllimədir, 250 manat maaş alır. Hardan versin mənim dediyim o qonorarı? Mən istəyirəm ki, canlı ansamblla oxuyum, ansamblım da pul alsın. Toylara da gedək, amma mən təkcə bəy-gəlin üçün oxumuram ki. Bu da düz deyil axı. Bu yanaşma ilə yaşamıram ki, toylara tez-tez düşüm. Onsuz da toy mahnıları da ifa edirik. Toya gedəndə “popuri” də oxuyuruq, başqa mahnılar da. Amma toy mahnılarını efirə gətirib dəb etməmişəm”.
Bundan əlavə, Niyam keçmiş dostu, müğənni Rəhim Rəhimlidən də söz açıb. O, bugünə kimi dəstəyini yalnız Allahdan və ona yaxın olan insanlardan aldığını dilə gətirib:
“Görürəm ki, “popuri” oxuyub radioda həmin mahnını səsləndirirsən. Bəs sən mənə niyə deyirsən ki, efirdə filan mahnını oxuma? Bəs sənin oxuduğun “popuri” radioda niyə səslənir? Özünüz də radioda işləyən diceylərə zəng edib tapşırırsız ki, o mahnını hit edin. Söhbət Rəhim Rəhimlidən gedir. Deyir mən ona kömək etmişəm, biz ona belə dəstək olmuşuq. Allahdan başqası yoxdur. Yadınızdan çıxartmayın ki, heç kim heç kimə havayı heç nəyi etmir. Nə tökərsən aşına, o da çıxar qaşığına. Mənə ancaq Allah, bir də media əhli dəstək olub. Bu sırada bəzi yaxın dostlarım, ailəm də var. Hərdən beziblər saz çalanı çəkməydən, məni çağırıblar efirə. Elə vaxtlar olub ki, görmüşəm ki, başqa müğənnilərdən müsahibə alırlar, mən də kənarda dayanıb baxmışam. Başa düşürdüm ki, mən “platnı” müğənniyəm. Qonorar verib efirə çıxıb yaxşı mahnı oxu, klip çəkdir, pul ver. Belə çıxır ki, acından ölməliydim. Bunu vaxtı ikən etmədim. Vaxtı ilə çox şeyə pulumu dağıtmadım. Mahnıma, klipə, geyimimə xərclədim ki, sizin gözünüzdə normal görünüm.
Niyam Salami tezliklə Türkiyəyə səfər edəcək. Sənətçi bunu yeni layihəsi ilə əlaqədar olduğunu söyləyib. İfaçı özünü Türkiyə şou-biznesində görən həmkarlarına söz atmağı da unutmayıb:
“Düzdür, yeni layihəm Türkiyə ilə əlaqədardır amma müqaviləm var deyə, bu barədə ətraflı danışa bilmirəm. Mən orada sadəcə səhnə alacam. Yalandan nə deyim ki, Türkiyə şou-biznesinə qatılacam?! Mənim Türkiyənin şou-biznesində nə işim var? Guya Türkiyənin şou-biznesində bizi qapıdan içəri buraxacaqlar?! Burdan ora ancaq öz hörmətini qaldırmaq üçün gedə bilərsən ki, getdim ordan kimdənsə mahnı aldım. 7 ay orada olacam. Ancaq vacib işlərim olanda Bakıya gələcəm. Normal bir qonorar qazanmalıyam ki, həyatımı dəyişim. İndidən ətraflı danışmıram ki, birdən alınmaz. Mən də pul qazanmaq istəyirəm, elə bunun da ardınca gedirəm. Mailiyyəni də onlar yatıracaq. Əgər mənim elə pulum olsa, elə burda öz sənətimə xərcləyərəm”.
Xatırladaq ki, Niyam Salami yay aylarında daha maraqlı bir layihəsini sevənlərinə təqdim edəcək.
Bununla bağlı süjetə noyabrın 28-də saat 19:00-da MUZ TV Azərbaycan kanalında efirə gedəcək “Muz Life” verilişində baxa bilərsiniz.
Lamiyə Balacayeva