Məşhur aktrisa ayaqlarını 1 milyon lirəyə sığortaladı

“Kuzey Güney” serialındakı “Banu” obrazı ilə daha da məşhurlaşan Badə İşçil reklam siması olduğu brendin ziyafət gecəsinə qatılıb. 

   “Kuzey Güney” serialındakı “Banu” obrazı ilə daha da məşhurlaşan Badə İşçil reklam siması olduğu brendin ziyafət gecəsinə qatılıb. Mərasimdə  aktrisa sürprizlə qarşılaşıb.  Belə ki, siması olduğu şirkət Badənin ayağını 1 milyon lirəyə sığortalayıb. Çox təəccüblənən aktrisa xoşbəxt olduğunu deyib.

    Məşhur dizayner və model Viktoriya Bekhem Avstraliyanın “Vogue” jurnalının sentyabr sayı üçün fotosessiya etdirib. Ulduzun şəkillərini fotoqraf Bu Corc çəkib. Yeni nömrədə Viktoriya çox sadə görünüb. Maraqlıdır ki, jurnalın üz qabığı üçün geyindiyi paltardan model artıq iki dəfə istifadə edib. Birinci dəfə tennis turnirində, ikinci dəfə isə Çin jurnalında. Buna baxmayaraq, Bekhem gözəlliyi ilə hər kəsi heyran etməyi bacarıb. 

     Türkiyəli aktrisa Bərgüzar Korel yeni bir firmanın reklam siması seçilib. Bunun üçün ulduz  şirkətdən 1 milyon lirə istəyib. Şampun firması aktrisanın istəyi ilə razılaşıb. Qeyd edək ki, indiyədək 4 reklamda rol alan Bergüzarın ümumilikdə bu işdən qazancı 4 milyon lirə olub. Aktrisanın həyat yoldaşı Halit Ergənc isə ondan fərqli olaraq reklamlarda çəkilməkdən imtina edir. O, “Möhtəşəm yüz il” serialındakı “Sultan Süleyman” obrazına xələl gələcəyindən qorxur.

    “Unbreak My Heart” mahnısı ilə bütün dünyada tanınan amerikalı müğənni Toni Brekston Nyu Cersidə verdiyi konsert zamanı xoşagəlməz hadisə ilə üzləşib. Belə ki, səhnədə mahnı ifa etdiyi zaman sənətçinin ətəyi qəfildən əynindən düşüb. Amma Toni özünü itirmədən oxumağa davam edib. O, ifasını bitirdikdən sonra ətəyini düzəltməyə çalışsa da, cəhdləri boşa çıxıb. Bu dəfə Toni vəziyyətdən çıxış yolunu musiqiçilərdən birinin pencəyini əyninə geyinməkdə görüb.

 

Sahilə Aslanova

 

Muz-Tv.az