Məşhur rusiyalı ulduz Bakıya gəlir

Rusiyanın tanınmış müğənnisi Bahh Tee Azərbaycana gələcək. Sənətçi avqustun 31-də şəhərkənarı istirahət mərkəzlərindən birində konsert proqramı ilə çıxış edəcək. 

    Rusiyanın tanınmış müğənnisi Bahh Tee Azərbaycana gələcək. Sənətçi avqustun 31-də şəhərkənarı istirahət mərkəzlərindən birində konsert proqramı ilə çıxış edəcək. Bu günə kimi 8 albomu işıq üzü görən Bahh Tee mahnılarını azərbaycanlı sevənləri üçün canlı səsləndirəcəyini bildirib.  Sənətçi “Big Love Show”-un iştirakçısı və “Muz TV 2013”-ün nominantlarından olub. Qeyd edək ki, Bahh Tee kimi tanınan Bəxtiyar Əliyev əslən azərbaycanlıdır. O, Moskvada doğulub və yaşayıb.

   “Avroviziya-2011”-in qalibi Nigar Camal yeni klip çəkdirir. Bunu müğənni özü deyib: “Mahnı demək olar ki, hazırdı. Musiqisi İsa Məlikova, sözləri onun xanımı Paulina Platkovskaya - Məlikovaya aiddir. Kompozisiya Azərbaycan dilindədi və klipin çəkilişləri Bakıda olacaq. İnşallah, yeni albomdan sonra konsert verməyi də düşünürəm”.

    Müğənni Elçin Cəfərov yay istirahətindən doymur. O, öz açıqlamasında səyahətdən qayıtdıqdan sonra çox tənbəlləşdiyini deyib: “Yay istirahətindən doymuram. Hələ də özümü toplayıb, işlərimin başına qayıda bilmirəm. Amma dostlarımla söz vermişik ki, bu həftədən hər şeyi bir kənara qoyub, işə başlayacağıq. Çünki solo konsertimə hazırlaşıram. Bu konsert digərlərindən çox fərqlənəcək. Bütün proqram ssenari əsasında qurulacaq. Mən konsertdə başqa müğənnilərin çıxıb oxumağının tərəfdarı deyiləm. Kiməsə yer ayırsam, bu, ancaq duet ortağım olacaq. Bütün gecəni özüm oxuyub, şou göstərəcəm. Yaxın günlərdə “Bilməzdim” mahnıma klip çəkdirməyi düşünürəm”. Xarici şou-biznesə qatılmağın tərəfdarı olmayan Elçin bunun səbəblərindən danışıb: “Mənim əsas məqsədim Azərbaycanda tanınmaq, işlər görməkdir. Həmişə deyirlər ki, niyə Türkiyəyə getmirsən? Amma mən bunun tərəfdarı deyiləm. Çünki mən pulu orada yox, vətənimdə qazanıram”.

    Rəqqasə Oksana Rəsulova şəxsi həyatı ilə bağlı səmimi açıqlamalar verib. O: “Uşaqlıqda bircə şey arzulayırdım: kaş ayrı evim olardı, valideynlərimdən uzaqda qalardım. İndi Tanrı məni bununla cəzalandırıb, atama-anama həsrət qalmışam” -deyib. Həmçinin Oksana valideynləri üçün çox darıxdığını da bildirib: “Başqa yerdə yaşayırlar, gec-gec görüşürük. Görmək istəyəndə də yanlarında ola bilmirəm. Amma bu yay az da olsa görüşə bildik”.

 

Sahilə Aslanova

 

Muz-Tv.az