Özcan Dəniz yenə film çəkir

Türkiyənin məhşur müğənnisi Özcan Deniz film çəkməkdə davam edir. Sənətçi “Su ve Ateş” adlı film çəkir. 

   Türkiyənin məhşur müğənnisi Özcan Deniz film çəkməkdə davam edir. Sənətçi “Su ve Ateş” adlı film çəkir. Ekran əsərinin London çəkilişində Özcan böyük sürpriz ilə qarşılaşıb. Belə ki, “Boleyn qızı” ,”Aşiq Şekspir” və “Merilin ilə bir həftə” kimi Hollivud filmlərinin məhşur prodüseri Mark Kuper ifaçının filminin çəkildiyi məkana gəlib. Çəkiliş müddətində prodüser Özcan Denizə öz məsləhətlərini verməyi unutmayıb.  Nəzərinizə çatdıraq ki, sənətçinin tərəf müqavili aktrisa Yasemin Allen olacaq. Qeyd edək ki, prodüsser Mark Kuper “Su ve Ateş” adlı filmin Amerikada satışa çıxarılması barədə Özcan Denizlə razılığa da gəlib. 

   Hollivud ulduzu Conni Depin sevgilisi, aktrisa Amber Hid müsahibəsi ilə hər kəsi təəccübləndirib. 27 yaşlı xanım həm kişilərlə, həm də qadınlarla münasibətdə olduğunu etiraf edib. “The Edit” dərgisinə müsahibə verən Amber “Kişilərlə çox uğurlu münasibətlərim olub. Möhtəşəm bir xanımla da gözəl sevgi yaşamışam” deyib. O, Conni Deplə münasibətinə fasilə verib fransalı model Maria Filippen ilə eşq yaşadığını da təsdiqləyib.

   Türkiyənin tanınmış simaları qazancları ilə hamını təəccübləndirməyi bacarır. Aktyor Halit Ergenç bütün ona edilən reklam təkliflərini rədd edir. Səbəb isə yaratdığı “Sultan” obrazının imicinin qorunmasıdır. Buna görə də aktyor 2 il 6 ay müddətində 5 reklamda oynamaq üçün milyonluq təklifləri qəbul etmir. Ancaq həyat yoldaşı aktrisa Bergüzar Korel reklam təkliflərini dəyərləndirməkdə davam edir. Elə qazancının da böyük hissələrini reklamda oynamaq və ya böyük firmaların siması olması təşkil edir. Qeyd edək ki, aktrisa Bergüzar Korel oynadığı bir reklamdan 600 min manat pul qazanır.

   Məşhur amerikalı müğənni Ledi Qaqadan daha bir təəcübləndirici yenilik var. 27 yaşlı ulduzun Nyu Yorkda studiyaların birində yeni “Applause” mahnısının məşqləri zamanı yerli paparazzilərin kameralarına tuş gəlib. Hər dəfə ekstravaqant, qeyri-adi geyimləriylə tamaşaçılarını təəccübləndirən ifaçı bu dəfə saçının rəngini dəyişib. Pop ulduzun bir neçə gün əvvəl qısa “Bob”stilində olan saç düzümü ilə görüntülənməsinə baxmayaraq, bu dəfə saçlarını uzadaraq qəhvəyi rəngə boyadıb. Qeyd edək ki, hər il avqust ayının 25-də Nyu Yorkda keçirilən “MTV Video Music Awards” mükafatlandırılma gecəsi bu il Ledi Qaqanın səhnəyə çıxışı ilə açıq elan olunacaq.

 

Sərvər Mehdiyev

 

Muz-Tv.az