Aygün Kazımovadan yeni layihə gələcək

Xalq artisti Aygün Kazımova yeni layihə üzərində çalışır. Marağa səbəb olacaq iş üzə çıxaracağını vurğulayan Aygün xanım səfərə çıxacağını söyləyib. 

    Xalq artisti Aygün Kazımova yeni layihə üzərində çalışır. Marağa səbəb olacaq iş üzə çıxaracağını vurğulayan Aygün xanım səfərə çıxacağını söyləyib. O: “Avropa ölkələrindən birinə gedirəm. Bu gecə vətəni tərk edəcəyəm. Səbirsizlənməyin, sadəcə sürprizlərə hazır olun” - deyə əlavə edib.

   Müğənni Eldar Qasımov texnologiya həvəskarı olan sənətçilərdəndir. O, gününün yarısını internetdə keçirdiyini etiraf edərək: “Dostlarımla haradasa görüşməyə, vaxt keçirməyə elə də zamanım olmur. Amma internet vasitəsilə onlarla öz yeniliklərimi, hisslərimi, fikirlərimi bölüşürəm. Hətta həyatımda elə insanlar olub ki, onları virtual aləmdə tanımışam, sonra real həyatda görmüşəm-söyləyib.İfaçı: Sosial şəbəkələrdən “Facebook”, “Twitter”, “vKontakte” və “İnstaqram”-da varam. Hər yerdə “Eldar Ell Kasımov” istifadəçi adıylayam. Digər səhifələri isə pərəstişkarlarım açıblar, mən idarə etmirəm. İnstaqramda Beyonsu, Ledi Qaqanı və Rihannanı izləyirəm” - deyə əlavə edib.

   Namiq Qaraçuxurlu da əksər şou-biznes nümayəndələri kimi sosial şəbəkələrin üzvüdür. İnstagram-da hər gün yeni fotolar paylaşan meyxanaçımız bu gün qeyri-adi bir şəkil paylaşıb. Belə ki, o, uşaqlığını, cavanlığı, hal-hazırdakı və qocaldığı bir obrazda olan şəkillərini kollaj edərək paylaşıb. Sevənləri tərəfindən xeyli sayda "like" toplayan meyxanaçı bu kollajla özünə vurğunluğunu növbəti dəfə isbatlayıb.

 

Səma Ələsgərova

 

Muz-Tv.az