Cennifer Lopezin evində dəvətsiz qonaq

Amerikalı məşhur müğənni Cennifer Lopezin fanatlarından biri gizli yolla onun Nyu Yorkdakı malikanəsinə daxil olaraq 6 gün orada yaşayıb. 

    Amerikalı məşhur müğənni Cennifer Lopezin fanatlarından biri gizli yolla onun Nyu Yorkdakı malikanəsinə daxil olaraq 6 gün orada yaşayıb. Məsələnin üstü açılanda 49 yaşlı Con Dubis adlı həmin şəxs məhkəməyə verilib. Amma məhkəmə zamanı o, şok açıqlamaları ilə hər kəsi təəccübləndirib. Hakimə Cenniferdən bir uşağının olduğunu söyləyən kişi malikanədə qalmasına müğənninin özünün icazə verdiyini bildirib. Ulduz deyilənləri inkar edib. Nəticədə Cona 100 min dollar cərimə kəsilib. Maraqlıdır ki, Cey Lonun malikanəsində qaldığı müddətdə o, sosial şəbəkələrdə Devid A. Lopez adı ilə səhifə açaraq, evdə çəkdiyi fotoları orada paylaşıb.

   “Med Cezir” serialı ilə yenidən ekranlara geri dönməyə hazırlaşan Çağatay Ulusoy İstanbulun məşhur küçələrindən biri olan Cihangirdə görülüb. Ulusoy, rolu üçün uzatdığı saçlarını gizləmək üçün papağını çıxarmayıb. Məşhur aktyor təxminən 10 kilo arıqladığını da söyləyib.

     Hollivud gözəlçəsi, məşhur aktrisa Oliviya Uayld plastik əməliyyat etidrən qadınlar haqqında danışıb.  Televiziya şoularından birində iştirak edən ulduz: “Çox qadınlar var ki, üzlərini dəyişdirirlər. Sonra hamısı bir-birinə oxşayır. Bu çox kədərlidir” – deyib. Xatırladaq ki, aktrisanın gələn il 30 yaşı olur. O, bu barədə də danışıb: “Məncə 30 yaşımın olması gözəl şeydir. Siz artıq dərk edirsiniz ki, valideynləriniz, dostlarınız üçün deyil, məhz özünüz üçün yaşayırsınız”. 

     Kastamonunun Tosya mahalında konsert verən məşhur sənətçi Mustafa Ceceli qaçaraq səhnəyə çıxmağa çalışdığı anda tarazlığını itirərək yerə yıxılıb. Səhnə performansıyla tamaşaçılar tərəfindən coşquyla alqışlanan sənətçi bir ara aşağıya enərək heyranlarının yanına gedib. Sürətlə səhnəyə dönmək istəyən Ceceli, tarazlığını itirərək yerə yıxılıb. Qısa müddət sonra ayağa qalxan Mustafa konsertinə davam edib.

 

Sahilə Aslanova

 

Muz-Tv.az