Məşhur cütlük boşandı
Monika Belluççi ilə Vinsent Kasselin 14 illik evliliyi bitib. Emir Kusturitsanın son filminin çəkilişləri üçün Serbiyada olan Belluççi bitən evliliyi ilə əlaqədar danışmaq istəməsə də,...
Monika Belluççi ilə Vinsent Kasselin 14 illik evliliyi bitib. Emir Kusturitsanın son filminin çəkilişləri üçün Serbiyada olan Belluççi bitən evliliyi ilə əlaqədar danışmaq istəməsə də, mətbuat katibi ayrılıq xəbərlərinin doğru olduğunu bildirib. Xatırladaq ki, 1999-cu ildə evlənən 49 yaşlı Belluççi ilə 47 yaşlı Vinsent Kasselinin Deva və Leoni adlı iki uşağı var. Belluççi reportajlarının birində xoşbəxt evliliyin sirrini bir-birinə hesabat verməməkdə gördüyünü açıqlamışdı.
Sevgilisindən ayrılan “Muhteşem yüzyıl”-ın "Şah Sultan"-ı Dəniz Çakır istirahətə yollanıb. Aktrisa çimərlikdə gənc bir oğlanla görülüb. Dəniz naməlum şəxsin kimliyinə sosial şəbəkədə aydınlıq gətirib: “Haqqımda çıxan “Yeni sevgilisi ilə görüldü” xəbərləri doğru deyil. Çimərlikdə yanımda olan oğlan qardaşım Tuna Çakırdır. Onunla istirahət edirik”.
Bu günlərdə Viktoriya Bekhem jurnallardan birinə müsahibə verib.
Dizayner və model böyük biznes imperiyası yaratmağı planlaşdırdığını deyib.
“İşləmək istədiyim o qədər çox sahə var ki. Bunlara həm ayaqqabı dizaynı, kosmetika, parfümeriya və alt paltarları daxildir. Çox şey etmək istəyirəm. Mən əsl karyeristəm. Həm də işləyən anayam” – deyə Viktoriya əlavə edib. Həmçinin ulduz mətbəxi sevmədiyini və evlərində xüsusi aşpazla yanaşı Devid Bekhemın da yemək hazırladığını bildirib.
Dünyaşöhrətli ulduz Elton Con “Home again” adlı mahnısına çəkilən yeni klipini sevənlərinin ixtiyarına verib. Trek müğənninin “The Diving Board” albomunun çıxış parçasıdır. Ekran işində evinə qayıdan və yaxınlaşdıqca daha da cavanlaşan kişi təsvir edilib. Musiqi toplusuna 15 kompozisiya daxildir. Elton Con: “Hiss edirəm ki, yenidən sevdiyim işlə məşğul olmağa başlamışam. Keçmiş haqqında heç düşünmürəm. Yaradıcılığımda yenilik edəcəyimə əminəm” –deyə yeni albomu haqqında danışıb.
“Evim sənsən” filmi ilə uzun müddət gündəmdən düşməyən türkiyəli müğənni Özcan Dəniz yeni ekran işinin ilk videosunu yayımlayıb. Sənətçi “Atəş və su” filmində aktrisa Yasəmən Allen ilə kamera qarşısına keçib. Bəzi epizodları İngiltərədə lentə alınan ekran işinin çəkilişləri mayda başlayıb. Özcan filmdə həm baş rolu oynayıb, həm də rejissorluq edib. Qeyd edək ki, Bakıya səfəri zamanı müğənni “Atəş və su”nu Azərbaycanda da təqdim edəcəyini demişdi. Sənətçi qala gecəsinə özünün də qatılacağını bildirib.
Sahilə Aslanova
Muz-Tv.az