Eldar və Nigar Maykl Ceksonun ad gününə hazırlaşır

“Avroviziya- 2011”in qalibləri Eldar Qasımov və Nigar Camal yeni duetlərini dünya şöhrətli müğənni Maykl Ceksona həsr ediblər. 

    “Avroviziya- 2011”in qalibləri Eldar Qasımov və Nigar Camal yeni duetlərini dünya şöhrətli müğənni Maykl Ceksona həsr ediblər. “Music still alive” adlanan mahnının müəllifi Eldardır. İsa Məlik tərəfindən aranjiman edilən bəstənin ekran işi rejissor Fərhad Əliyə həvalə olunub. Cütlüyün yeni klipi və mahnısının təqdimatı avqustun 29-da - Maykl Ceksonun doğulduğu gündə  istirahət mərkəzlərinin birində baş tutacaq.

     Bu yaxınlarda Fransadan qayıdan xalq artisti Aygün Kazımova prodüser Toliklə görüşüb. Müğənni prodüserə Parisdən hədiyyə gətirməyi də unutmayıb. Xalq artistindən ətir hədiyyə alan Tarix şəkilləri sosial şəbəkədə paylaşıb.

     Sentyabrın 1-də “B.A.R.S.”ın təşkilatçılığı ilə heyvanların müdafiəsinə həsr edilən konsert keçiriləcək. İstirahət mərkəzlərinin birində  baş tutacaq gecədə müğənnilər Samira Allahverdiyeva, Elnur Hüseynov, pianoçu İsfar Sarabski və başqaları səhnəyə çıxacaq. Gecədə dəfilə, maraqlı şoular nümayiş olunacaq. Konsertdən əldə olunan gəlir sahibsiz heyvanların xilasına sərf ediləcək.

     Rejissor Nail Naiboğlu müğənni Yaşar Cəlilov və Niyam Salaminin birgə ifa etdiyi “Nağıl” mahnısına Gürcüstanda klip çəkib. Onun sözlərinə görə, ekran işi Batumidə 3 gün ərzində lentə alınıb. Klipmeyker büdcəni açıqlamasa da, bildirib ki, klip çox da baha çəkilməyib: “Yaşar və Niyam mənim yaxın dostlarımdır. Bizim aramızda pul söhbəti olmur. Amma hər işin müəyyən qarşılığı var”. Qeyd edək ki, mahnının sözləri Azər Şirinə, musiqisi Ramal İsrafilova məxsusdur. Klipin operatoru Emin Hüseynov, prodüseri isə Pərviz Oqtayoğludur. 

 

Səma Ələsgərova

 

Muz-Tv.az