Vüqar Əbdülov: “Konsertimə heç bir meyxanaçını dəvət etməyəcəyəm”

Sentyabrın 9-da Yaşıl Teatrda konsert verməyə hazırlaşan məşhurlardan biri də meyxanaçı Vüqar Əbdülovdur.  

   Sentyabrın 9-da Yaşıl Teatrda konsert verməyə hazırlaşan məşhurlardan biri də meyxanaçı Vüqar Əbdülovdur.  Həyəcanlı olduğu gözlərindən oxunan Vüqar bəy “Çoxdan görüşmürdük” adlanan konsertində yeni mahnıları ilə yanaşı sevilən köhnə meyxanalarını da ifa edəcəyini söyləyib.

   Biletlərin satışı ilə maraqlanmadığını xüsusilə vurğulayan Vüqar konsertin anşlaqla keçəcəyinə də əmindir.Maraqlısı odur ki, bir vaxtlar meyxanaçı həmkarları ilə dediyi bədahətən deyişmələr və məşhur müğənnilərlə ifa etdiyi duetlərlə tanınan Vüqar  bu dəfə konsertinə heç bir sənətçi dostunu dəvət etməyib.

   Özünü ali təhsilli meyxanaçı adlandıran Vüqar Əbdülov tamaşaçılara qeyri-adi konsert proqramı vəd etməklə kifayətlənməyərək, hətta gələ bilməyənlərin çox peşman olacağını da iddia edib.

 

Sahilə Aslanova

Ramal Gülməmmədov

 

Muz-Tv.az