Məleykə Əsədova kövrəldi və kövrəltdi- video

Xalq Artisti Məleykə Əsədova illər əvvəl anasına həsr etdiyi “Anam qocalır” mahnısını sosial şəbəkədə paylaşıb.

Muztv.az xəbər verir ki, aktrisa dünyasını dəyişən ata-anasını xatırladığını və çox darıxdığını qeyd edərək kövrəlib:

 “Bir anlıq o illərə qayıtdım. Bu klipi anamın ad gününə hədiyyə etmişdim. Anamın qocalmağı mənə dərd verdi. Musiqisi də, sözləri də ruhumdan xəbər verdi.  İnsan olan varlıq öz böyüyünə, kiçiyinə hörmət etməlidir. Atalı-analı günlərim üçün çox darıxdım. Nə yaxşı ki, mən sizing qandan və sevginizdən dünyaya gəlmişəm. Atamda olan mərdlik, cəsarət, əqidə, kişi kimi bir söz mənim xarakterimə hopub. Anamın isə gözəlliyi, şirin gülüşü, bəzən küsəyənliyi, nazı mənə keçib. Atamın gözlərinin rəngi, o gözlərlə həyata baxışı mənimlədir. Of...çox darıxdım. Bir anlıq sizsiz özümü tənha hiss etdim. Allah sizə rəhmət etsin və sizin simanızda bütün dünyasını dəyişən nur üzlü ata-ana adına layiq olan valideynlərə...”

Xatırladaq ki, “Anam qocalır” adlı mahnının sözləri Hidayətə, musiqisi Nadir Əzimova məxsusdur.