Dünyaşöhrətli ulduz ana oldu

Amerikalı müğənni Kristina Agilera yeni klipini sevənlərinə təqdim edib. Ekran əsərində ulduzun 5 yaşlı oğlunu və sevgilisi, rəqqas Metyu Ratler də rol alıb. 

   Amerikalı müğənni Kristina Agilera yeni klipini sevənlərinə təqdim edib. Ekran əsərində ulduzun 5 yaşlı oğlunu və sevgilisi, rəqqas Metyu Ratler də rol alıb. Bundan başqa, video çarxda Agileranın rəfiqələri Nikol Riççi və Kristina Milian da görünür. Klip Kristinanın heyranlarına dəstəklərinə və sevgilərinə görə təşəkkür müraciəti ilə başlayır. “Let there be love” adlanan video çarxın müəyyən süjet xətti yoxdur. Heyranları 32 yaşlı Kristinanın yenidən gözəl bədən quruluşunu geri qaytardığını xüsusilə alqışlayıblar. Xatırladaq ki, ulduz 2012-ci ilin sonlarından bu günədək 15 kiloqram arıqlayıb.

   Məşhur prodüser Timbalend mərhum ulduz Maykl Ceksonun albomunu çıxarmağa hazırlaşdığını elan edib. Onun sözlərinə görə, hazırda “Chicago” mahnısı üzərində işləyir. Əsərdə pop kralının vokalından da istifadə olunacaq. Albom “İki kral birlikdə işləyir” adlanır.

    Mobi Youtube saytında “The Perfect Life” adlı yeni mahnısına çəkdirdiyi klipini təqdim edib. Kompozisiyanın akustik versiyası Los Ancelesdə yerləşən hündür binaların birində ekranlaşdırılıb. Video çarxda Mobinin fanatları onunla birlikdə mahnını ifa edir. Klipin rəsmi təqdimat tarixi hələ açıqlanmır. Xatırladaq ki, Mobi bu yaxınlarda sayca 11-ci albomunu da sevənlərinin ixtiyarına verməyə hazırlaşır.

    Məşhur müğənni Förci ana olub. Ulduz hələ körpəsinə ad seçməyib. 38 yaşlı Förci və 40 yaşlı Coş Dyumalenin övladları cümə axşamı dünyaya gəlib. Iddialara görə, cütlük balaca oğullarını Eksl Cek Dyumal adlandırmaq fikrindədir. Xatırladaq ki, Coş və Förci 2009-cu ildə ailə həyatı qurublar.

 

Səma Ələsgərova

 

Muz-Tv.az