Sevda Yahyayeva: “Gələrsiniz, görərsiniz”

Müğənni Sevda Yahyayevanın sentyabrın 21-də “Yaşıl Teatr”da sevənləri ilə görüşəcəyini xəbər vermişdik.  “Unut” adlanan solo konsertinə xüsusi hazırlaşan ifaçı gecədən ən...

    Müğənni Sevda Yahyayevanın sentyabrın 21-də “Yaşıl Teatr”da sevənləri ilə görüşəcəyini xəbər vermişdik.  “Unut” adlanan solo konsertinə xüsusi hazırlaşan ifaçı gecədən ən özəl detalları Muz Life-a açıqlayıb.

    Nahid Emiloğlu ilə yaşanan anlaşılmazlıqdan sonra bir çox müğənninin konsertinin təxirə düşdüyü artıq hər kəsə məlumdur.  Sevda xanım təşkilatçı ilə aralarında heç bir münaqişənin olmadığını, sadəcə Nahid bəyin təkliflərinin onlara uyğun gəlmədiyini deyib.

   Konsertə ciddi şəkildə hazırlaşdığını və xüsusi sürprizlərinin olduğunu deyən müğənni gecədə 21 canlı mahnı ifa edəcək. Qeyri-adiliklərin yaşanacağı gecədə Sevda tam fərqli formada tamaşaçı qarşısına çıxacaq. İmicində əsaslı dəyişikliklər edəcəyini deyən müğənni daha artıq məlumat verməkdən  çəkinib.

   Tam fərqli ssenari əsasında hazırlanan konsertin daha bir sürprizi isə Sevda xanımın səhnədə 14 nəfərdən ibarət rəqs ansamblı ilə maraqlı şoular nümayiş etdirməsi olacaq. Qeyd edək ki, sentyabrın 21-də reallaşacaq konsertdə Sevda Yahyayevanın müğənni Rəhim Rəhimli ilə canlı duet ifa edəcəyi də gözlənilir.

 

Sahilə Aslanova

Səma Ələsgərova

Bəxtiyar Nəsirov

 

Muz-Tv.az